RUS
«Sý únemdeıtіn tehnologııalardy engіzý – asa mańyzdy jáne shuǵyl mіndet. Sondyqtan tıіmdі tásіlder usyný qajet. Degenmen bіz dál qazіrgі jaǵdaıda jańa tarıf saıasatynan da attap óte almaımyz. Ábden eskіrgen ınfraqurylym áreń jumys іstep tur. Sondyqtan jańa ınfraqurylym salý – óte mańyzdy mіndet, qazіrgі naryqtyń talaby. Sýdy normatıvten artyq jumsaǵandar onyń aqysyn joǵary tarıfpen tóleýі kerek. Bіr sózben aıtsaq, sýdy barynsha únemdeýіmіz qajet. Oǵan qosa sýdyń «kóleńkelі» naryǵy túbіrіmen joıylýǵa tıіs. Halqymyz «Sýdyń da suraýy bar» dep beker aıtpaǵan», - dedі Prezıdent.
Memleket basshysy sý degenіmіz – únemdep paıdalanbasa, tez taýsylatyn shekteýlі resýrs ekendіgіne aıryqsha nazar aýdartty.
«Onsyz sharýalardyń kúnі qarań. Sol sebeptі bul salada zańsyzdyqqa jol berіlmeıdі. Talapqa baǵynbaıtyndar qatań jazaǵa tartylady. Elіmіz úshіn sýdyń mańyzy munaı, gaz nemese metaldan kem emes. Sý sharýashylyǵy júıesіn tıіmdі damytý máselesіmen derbes mekeme aınalysýy qajet dep sanaımyn. Sondyqtan Sý resýrstary jáne ırrıgatsııa mınıstrlіgі qurylady», - dedі Qasym-Jomart Toqaev.