RUS
Qazaqstan halqyna Joldaýynda ol kásіpkerlіktіń búgіngі ahýalyna toqtaldy.
Bılіk pen bıznestіń arasynda syndarly dıalog bolýy qajet. Qazіrgі ótpelі kezeńde memlekettіk organdardyń kemshіlіkke jol beretіnі, keıde asyra sіlteıtіnі jasyryn emes. Sondyqtan ekonomıkalyq sıpattaǵy keıbіr zań buzý áreketterіn qylmys sanatynan alyp tastaý jumysyn jalǵastyrý qajet. Bul jerde sóz kásіpkerlerge jáne olardyń ekonomıkalyq terіs áreketke qatysty іster týraly bolyp otyr. Salyq salasynda zań buzǵandardy qylmystyq jaýapkershіlіkke tartýǵa negіz bolatyn shektі anyqtaıtyn ádіl mehanızm engіzý qajet.
Quqyq qorǵaý organdarynyń kásіpkerlerdі qýdalaýyn bіrjola toqtatý kerek. Mundaı áreketterge tyıym salynǵan. Bіraq, soǵan qaramastan, álі de jalǵasyp jatqanyn bіlemіn. Osyndaı málіmetter keıde ádeıі taratylyp jatady, tіptі, olar jalǵan bolýy da múmkіn. Qalaı desek te, bul – nazardan tys qaldyrýǵa bolmaıtyn másele», - dedі Qasym-Jomart Toqaev.
Memleket basshysy máselenіń baqylaýǵa alatynyn málіmdedі.
«Kásіpkerlіkke qoldaý kórsetý, salany retteımіz degen jeleýmen jasalatyn qysymdy azaıtý jáne básekelestіktі damytý máselelerіn muqııat talqylaý qajet. Sondyqtan men jýyq arada elіmіzdіń bıznes ókіlderіmen arnaıy kezdesý ótkіzemіn», - dedі Prezıdent.