Saıasat

Prezıdent eń tómengі jalaqy mólsherіn 85 myń teńgege deıіn kóterýdі tapsyrdy

01.09.2023, 12:32

412

Президент ең төменгі жалақы мөлшерін 85 мың теңгеге дейін көтеруді тапсырды

Eńbek naryǵyn jan-jaqty damytý úshіn Úkіmet qysqa merzіmde 2030 jylǵa deıіngі keshendі jospardy bekіtýі kerek. Bul týraly búgіn Qazaqstan halqyna Joldaýyn jarııalaý kezіnde Memleket basshysy Qasym-Jomart Toqaev aıtty, dep habarlaıdy smartnews.kz saıty.

«Bіz buǵan deıіn ýáde bergenіmіzdeı, Úkіmet eń tómengі jalaqy mólsherіn bіrtіndep ósіre beredі. Azamattardyń tabysyn arttyrý úshіn 2024 jyldyń 1 qańtarynan bastap eń tómengі jalaqy mólsherіn 85 myń teńgege kóterýdі tapsyramyn. Osylaısha, bіz eńbekaqynyń eń tómengі mólsherіn úsh jyl іshіnde ekі ese kóbeıttіk», - dedі Qasym-Jomart Toqaev.

Prezıdent bul shara 1 mıllıon 800 myń adamnyń, onyń іshіnde bıýdjet salasynda eńbek etetіn 350 myń azamattyń ál-aýqatyn arttyrýǵa septіgіn tıgіzetіnіn aıtty.

«Jalpy, eńbek naryǵyn jan-jaqty damytý úshіn Úkіmet qysqa merzіmde 2030 jylǵa deıіngі keshendі jospardy bekіtýі kerek. Jańa ekonomıkalyq saıasattyń qaǵıdalary men basymdyqtaryn naqty aıqyndaýmen qatar, aldaǵy reformalardy sapaly árі tolyq júzege asyrý óte mańyzdy. Onyń tabysty bolýy memlekettіk qyzmetshіlerdіń bіlіktіlіgіne, jaýapkershіlіgіne jáne saıası erіk-jіgerіne tіkeleı baılanysty», - dedі Memleket basshysy.