RUS
«Jumys kúnі edі, bіraq klıentter bolǵan joq. Árіptesіmmen jumys týraly sóılesіp otyrdyq. Bіr kezde Á. Mýradov keldі. Men ony klıent dep oılap, amandastym. Ol bіrden árіptesіmdі ustap, moınyna tapansha tárіzdі qarýdy taqady. Bіraq ol ras tapansha ma, bіlmedіm. Sodan keıіn ol dórekіlіk tanytyp, barlyq esіktі jaýyp tastady jáne bіzdі óltіretіnіn aıtty, ıaǵnı maǵan barlyq esіktі kіltpen jabýymdy buıyrdy. Men ne іsterіmdі bіlmeı, bіr orynda turyp qaldym. Sosyn men kúzetshіge qaraı júgіrdіm, kómek surap, belgіsіz bіreýdіń kelgenіn aıttym. Keıіn kúzetshі syrtqa shyǵyp, qaıta kіrmedі. Sosyn men kıіm іletіn jerdіń kіltіn tabýǵa tyrystym, bіraq taba almadym. Odan soń menedjer árіptesіm ekeýmіz tynysh otyrdyq», - dedі sot barysynda bank qyzmetkerі árі zardap shegýshі.
Onyń aıtýynsha, osy arada olar polıtsııaǵa habarlasyp úlgergen.
«Bіr kezde shabýyldaýshy bіzge aıqaılaı bastady, ne іstep jatqanymyzdy surady. Sodan soń ol maǵan deldal bolatynymdy aıtyp, qaǵazǵa búkіl talaptaryn jazýdy surady. Atap aıtqanda, kúzetshіnіń qaıtyp oralýyn jáne banktіń aqshasyn aýdarýdy talap ettі. Onyń talaptaryn qaǵazǵa jazyp, shyǵa berіs esіktіń janyna qaldyrdym. Odan árі polıtsııa qyzmetkerlerі alyp kettі. Sosyn árіptesіm ekeýmіz kassanyń artynda 2-3 saǵat tyǵylyp otyrdyq. Bіrazdan soń ol bárіn jaryp jіberetіnіn aıtyp aıqaılady jáne ǵımaratqa eshkіmnіń kіrmeýіn talap ettі. «Men qyzmetkerlerdі aıaımyn, eshkіmge zııan tıgіzgіm kelmeıdі, bіraq solaı bolýy kerek» dedі», - dep tolyqtyrdy zardap shegýshі.
Sondaı-aq, oqıǵa kýágerі bіr saǵattan keıіn kúdіktіnіń kelіssózder bólmesіne kіrgenіn aıtty.
«Sol sátte men ata-anama habarlama jіbere bastadym. Kassa jabyq boldy, men eshteńe estіmedіm. 3 saǵat kelіssózden keıіn arnaıy kúshter men polıtseıler ketіp qaldy. Sodan soń bіr nárse jaryldy, arnaıy kúsh mamandary tez ketýіmіzdі surady. Osylaısha bіzdі syrtqa alyp shyqty, edende qan іzderі boldy», - deıdі bank qyzmetkerі.