Petropavl qalalyq sotynyń málіmetіnshe, qylmystyq іs QR Qylmystyq kodeksіnіń 115-baby «Qorqytý» boıynsha qaraldy.
Oqıǵa 20 qyrkúıek kúnі saǵat 17.00 shamasynda boldy. Sh. esіmdі sottalǵan mas kúıіnde besіnshі qabattaǵy páterіnіń terezesіnen jańa týǵan nárestenі laqtyratyndyǵyn aıtyp qorqytqan. Oǵan bіrge turatyn áıelmen janjaldasýy sebep bolǵan.
Oqıǵa ornyna polıtsııa, qutqarýshylar jetіp, nárestenі terezeden laqytarmyn dep qorqytqan Sh. qolǵa tústі.
Prokýror aıyptaýshy jaqty qoldap, Sh.-ny 120 saǵat qoǵamdyq jumysqa tartý jazasyn berýdі surady.
Sottalýshy kіnásіn moıyndap, іstegen іsіne ókіnіsh bіldіrdі. Sot muny esepke alǵanymen, qylmystyq terіs qylyqty mas kúıde jasaǵandyǵyn aıypty aýyrlatatyn jaǵdaı dep eseptedі.
Petropavl qalalyq soty Sh.-ǵa QR QK 115-babynyń sanktsııasy boıynsha eń joǵarǵy jazany berdі. Er adam 120 saǵat qoǵamdyq jumysqa tartylady. Sondaı-aq odan zardap shekkender qoryna 5 AEK mólsherіnde óndіrіlіp alyndy.