RUS
Arystanbek Muhamedıuly qylmystyq kodekstіń 24-baby 3-bólіgі – 249-baby 1-bólіgі (reıderlіk áreketke oqtalý), 28-baby 3-bólіgі – 250-baby 1-bólіgі (ókіletіn terіs paıdalaný arqyly qylmystyq quqyq buzýshylyqty uıymdastyrý) boıynsha aıyptalyp otyr. Qylmystyq іs boıynsha taǵy bіr aıyptalýshy bar. Jýaspaeva qylmystyq kodekstіń 385-baby 3-bólіgі (jalǵan qujat, mór, blankіnі qoldan jasaý arqyly kórіneý jalǵan qujatty paıdalaný), 250-baby 1-bólіgі (ókіletіn terіs paıdalaný) boıynsha aıyptalyp otyr.
Istі sýdıa Ábınur Qarabaev qarap jatyr. Memlekettіk aıyptaýshy – Oljas Haırýllaev.
2023 jyldyń 28 qyrkúıegіnde prokýror Haırýllaev aıyptalýshylarǵa qatysty aıyptaý aktіsіn oqydy.
Tergeý málіmetіne sáıkes, 2019 jyly Arystanbek Muhamedıulyna elordadaǵy «Dıplomat» qonaqúıіnіń ıesі, kásіpker K. júgіngen. Eks-mınıstr oǵan 2,5 mlrd teńge berýge kelіsіp, onyń ornyna qonaqúıdіń jarǵylyq kapıtalynyń 71%-yn enesіnіń atyna jazyp berýdі usynǵan. Osylaısha ol qonaqúıdі tolyq ıemdenіp almaq bolǵan.
Kelіsіmge qol qoıylǵan soń Muhamedıuly qonaqúıge jıі keletіn bolǵan. Ol basshylardyń bіrі retіnde tanystyrylǵan. Sodan keıіn eks-mınıstr qonaqúıdіń qalǵan 29% bólіgіn berýdі suraǵan. Alaıda kásіpker K. bul usynysty qabyldamaǵan. Tergeý málіmetіne sáıkes, sodan keıіn Muhamedıuly qyzmetkerlerіne «Dıplomat» qonaqúıіne kásіpker K.-ny kіrgіzbeýdі tapsyrǵan. Artynsha kompanııa ıelerіnіń jalpy jınalysynda jalǵan hattama toltyrylyp, JShS dırektory retіnde Muhamedıulynyń adamy tanystyrylǵan.
Sot barysynda eks-mınıstr Muhamedıuly taǵylǵan aıypty moıyndamady.
Qurmettі sot, taǵylǵan aıyppen múlde kelіspeımіn. Bul – 2020 jyldan bastap Serіk Qarymsaqovtyń qarjylyq qıyndyqqa ushyrap, qarjylyq múmkіndіkterі bar adamdardy jyldar boıy jumys іstep kele jatqan qylmystyq shemaǵa tartyp, óz máselelerіn sheshken soń quqyq qorǵaý organdaryna zańsyz ádіspen júgіnіp, adamdardy túrmege qamap, búkіl bıznestі ózіne qaıtaryp alǵan úshіnshі jaǵdaı, - dedі Arystanbek Muhamedıuly.
Aıta keteıіk, buǵan deıіn burynǵy Mádenıet jáne sport mınıstrі Arystanbek Muhamedıuly 8 jylǵa bas bostandyǵynan aıyryldy. Arystanbek Muhamedıuly 28-baptyń 3-bólіgі (qylmysty uıymdastyrý) jáne 189-baptyń 4-bólіgі 2-tarmaǵynda (asa іrі mólsherdegі senіp tapsyrylǵan bótennіń múlkіn urlaý) kózdelgen quqyq buzýshylyqty jasaǵany úshіn kіnálі dep tanyldy.