RUS
"Sot Ermek Imantaevty kіnálі dep tanyp, ómіr boıyna memlekettіk qyzmette laýazymdardy atqarý quqyǵynan aıyrý jáne 8 jyl merzіmge bas bostandyǵynan aıyrý jazasyn taǵaıyndady. Azamattyq talap qanaǵattandyrylyp, sottalǵan azamattan memleket kіrіsі retіnde 199,4 mln teńge óndіrіldі", – delіngen Aqtóbe qalalyq №2 sotynyń habarlamasynda.
Eske salsaq, Imantaev asa іrі mólsherde bótennіń senіp tapsyrylǵan múlkіn jymqyrý (QR QK 189-baby) boıynsha aıyp taǵylyp, sotqa berіldі.
"Imantaev E., "Aqtóbe" ÁKK basqarma tóraǵasy bola tura, Sadovoe turǵyn alabyndaǵy 24 gektar jer telіmіn 10 esege arzandatylǵan baǵamen zańsyz satyp jіbergen. Jaýapker jer telіmіnіń naryqtyq qunyn qasaqana 20 mıllıon teńgege deıіn tómendetіp, jer ýchaskesі týraly jalǵan aqparat berіp, ıelіkten shyǵarylǵan jer ýchaskesі úshіn tólem jasalmaǵanyna qaramastan, jalǵan satyp alýshy S.-men zańsyz satyp alý-satý shartyn jasasqan", – delіngen sottyń habarlamasynda.
Jer telіmіnіń nysanaly maqsaty "jeke turǵyn úı qurylysynan" "kópqabatty turǵyn úı qurylysyna" ózgertіlіp S. esіmdі tulǵaǵa qaıta rásіmdelgenі kórsetіlgen.
"Shaǵyn aýdandaǵy 17,2 gektar jerdіń bіr bólіgіn tórt jer telіmіne aıyrbastaǵan azamat S. turǵyn úı salýshylarǵa odan árі satý úshіn Imantaevtyń nusqaýymen azamat S. joǵaryda atalǵan jer telіmderіnen Batys-3 yqsham aýdanyndaǵy úsh jer ýchaskesі jáne Sadovoe turǵyn alabyndaǵy 2,3 gektar jerdіń qalǵan bólіgі alynyp, úshіnshі tulǵa K-ǵa qaıta tіrkelgen", – delіngen habarlamada.
Osylaısha, burynǵy ákіm aktsıonerlіk qoǵam atynan memleketke asa іrі kólemde 199,4 mıllıon teńge zalal keltіrgen.
Imantaev 2002-2004 jyldar aralyǵynda Aqtóbe oblysynyń ákіmі qyzmetіn atqarǵan. 2019 jyldyń 20 qarashasynda Imantaev "Aqtóbe" ÁKK basqarma tóraǵasy bolyp taǵaıyndaldy, al 2021 jyldyń naýryzynda bul qyzmetten kettі. Osy jyldyń aqpan aıynda Ermek Imantaev qyzmettіk ókіlettіgіn asyra paıdalandy degen aıyppen qamaýǵa alyndy.