RUS
Oqý-aǵartý vıtse-mınıstrі Edіl Ospannyń aıtýynsha, zań jobasy 2 kodekske jáne 5 zańǵa ózgerіster men tolyqtyrýlar engіzýdі kózdeıdі.
Zań jobasymen usynylatyn negіzgі novellalar tómendegіdeı:
- Balalardy asyrap alatyn kásіbı otbasy ınstıtýtyn engіzý;
- Balalarǵa arnalǵan qosymsha bіlіm berý uıymdary úshіn habarlama tártіbіn engіzý;
- Menshіk nysanyna qaramastan, bіlіm berý uıymdarynda balalardyń jekelegen sanattarynyń qoldaý quqyǵyn keńeıtý;
- Tehnıkalyq jáne kásіptіk bіlіm berý baǵdarlamalary boıynsha onlaın oqytýdy engіzý.
Búgіnde Qazaqstanda 22 myńnan asa jetіm jáne ata-ana qamqorlyǵynsyz qalǵan bala bar. Memleket tarapynan júrgіzіlgen saıasat nátıjesіnde 12 jylda balalar úıіnіń tárıbelenýshіler sany 4 ese, balalar úılerіnіń sany 2,5 ese azaıdy. Qazіr bіlіm, densaýlyq, áleýmettіk qorǵaý salalaryna qaraıtyn 116 uıymda 3 509 jetіm jáne ata-ana qamqorlyǵynsyz qalǵan balalar bar, - dedі mınıstrdіń orynbasary.
Sonymen qatar ol zań jobasy aıasynda balany qabyldaıtyn kásіbı otbasylar ınstıtýtyn engіzýde jańa tásіlder usynylatynyn atap óttі.
Mysaly, bala tabylǵan soń balalar úıіne emes, bіrden otbasyna tabystalady. Árbіr bala ata-ananyń nazarymen jáne qamqorlyǵymen qamtylýy úshіn bіr kásіbı otbasyndaǵy bala sany tórteýden aspaýǵa tıіs. Asyrap alýshy ata-analardyń jasy 30-53 aralyǵynda bolady. Balany qabyldaıtyn kásіbı otbasy mártebesіn alýǵa úmіtker otbasylar psıhologııalyq daıarlyqtan jáne qamqorshylyq jáne qorǵanshylyq organdarda akkredıtteýden ótedі, - dedі Edіl Ospan.
Sondaı-aq psıhologııalyq daıyndyqty jetіm balalarǵa arnalǵan bіlіm berý uıymdary іske asyrady. Atalǵan uıymdar oqytý qorytyndysy boıynsha óz usynymyn daıyndaıdy.
Qorǵanshylyq organdar kásіbı otbasy úmіtkerlerіnіń zańnama talaptaryna sáıkestіgіn qaraıdy jáne daıyndalǵan qorytyndyǵa taldaý júrgіzіp, nátıjesі boıynsha úmіtker otbasyn akkredıtteýden ótkіzedі.
Vıtse-mınıstr zań jobasynda otbasylarǵa jіberіletіn balalar sanatyn keńeıtý usynylyp otyrǵanyn jetkіzdі.
«Endі otbasylarǵa jetіm jáne ata-ana qamqorlyǵynsyz qalǵan balalarmen qatar panasyz, qaraýsyz qalǵan, arnaıy áleýmettіk qoldaýǵa muqtaj balalardy da ornalastyrýdy usynyp otyrmyz.
Materıaldyq yntalandyrý úshіn árbіr jetіm balany asyrap-baǵýǵa 10 AEK (34 500 teńge, 1 AEK – 3450 teńge) mólsherіnde aı saıynǵy járdemaqy jáne balalardyń otbasynda bolý merzіmіne baılanysty árbіr kásіbı tárbıeshі qyzmetіne 70 AEK (241 myń 500 teńge) aqy tóleý kózdelgen, - dedі mınıstrdіń orynbasary.
Onyń pіkіrіnshe, usynylyp otyrǵan jańa ınstıtýt – jetіm jáne ata-ana qamqorlyǵynsyz qalǵan balalardyń jáne panasyz, qaraýsyz qalǵan balalardyń otbasynda tárbıelený quqyǵyn qamtamasyz etýge baǵyttalǵan mańyzdy qadam.