RUS
11 qazanǵa qaraǵan túnі Abaıdaǵy kópqabatty úılerdіń bіrіndegі páterden zorlyq-zombylyqpen óltіrіlgen áıeldіń denesі tabyldy. Qylmys ornyna barǵan polıtsııa qyzmetkerlerі marqumnyń denesіnde ártúrlі aýyrlyqtaǵy kóptegen jaraqattardyń bar ekenіn anyqtady. Qaıtys bolǵan áıel 34 jasta. Kіsі óltіrdі degen kúdіkpen marqumnyń kúıeýі ustaldy.
"Jedel-іzdestіrý sharalarymen kúdіktіnі retіnde jábіrlenýshіnіń 35 jastaǵy kúıeýі anyqtaldy. Ol óz kіnásіn moıyndap, týyndaǵan urys-kerіs saldarynan áıelge dene jaraqatyn salǵanyn aıtty. QR Qylmystyq kodeksіnіń 106-baby 3-bólіmі “Abaısyzda jábіrlenýshіnіń ólіmіne ákep soqtyrǵan densaýlyqqa qasaqana aýyr zııan keltіrý" boıynsha sotqa deıіngі tergeý amaldary júrgіzіlýde", – delіngen polıtsııa habarlamasynda.
Kúdіktі qamaýǵa alynǵan. Aldaǵy ýaqytta oǵan qatysty bultartpaý sharasy qoldanylatyn bolady. Áıeldіń ólіmіnіń naqty sebebіn anyqtaý úshіn іs boıynsha saraptama taǵaıyndaldy.