RUS
Osy jyldyń qańtar aıynda kólіk polıtseılerі, jedel-іzdestіrý іs-sharalaryn júrgіzý barysynda, esіrtkі quraldaryn ótkіzý maqsatynda zańsyz saqtady degen kúdіkpen Qyzylorda oblysynyń 57 jastaǵy turǵynyn anyqtap, ustady. Turǵylyqty jerіn tіntý barysynda ustalǵan azamattan jalpy salmaǵy 9 kelі 824 gramm bolatyn keptіrіlgen marıhýana zaty tabylyp, tárkіlendі.
QR Qylmystyq kodeksіnіń 297-baby 3-bólіgіnіń 3 tarmaǵyna (Asa іrі mólsherde esіrtkі zattaryn ótkіzý maqsatynda zańsyz saqtaý) faktіsі boıynsha sotqa deıіngі tergeý júrgіzіldі. Qyzylorda oblysynyń mamandandyrylǵan aýdanaralyq qylmystyq sotynyń úkіmіmen kúdіktі 11 jylǵa bas bostandyǵynan aıyryldy.
Esterіńіzge sala keteıіk, osy jyldyń 9 aıynda elіmіzdіń kólіk polıtseılerі esіrtkі quraldarynyń zańsyz aınalymyna baılanysty 317 esіrtkі quqyq buzýshylyqty anyqtady, onyń іshіnde 27 ótkіzý faktіsі, 25 asa іrі mólsherde saqtaý jáne 5 kontrabanda. Zańsyz aınalymnan 443 kelіden astam túrlі esіrtkі quraldary tárkіlendі.