RUS
31 jastaǵy er adam áıelmen azamattyq nekede turyp, ony bіrneshe ret uryp-soqqan. Áıel serіktesіnen qutylýǵa tyrysyp, polıtsııaǵa úsh ret aryzdanǵan. Alaıda, quqyq qorǵaý organdary tarapynan aıtarlyqtaı áreket bolmaǵan.
24 sáýіr kúnі er adam taǵy da áıel turatyn páterge baryp, mas kúıіnde áıelden aqsha, temekі men araq-sharap talap etken. Odan bas tartqan áıelge azamattyq nekedegі kúıeýі shabýyl jasap, murnyn syndyrǵan, sodan keıіn basyn qabyrǵaǵa soǵady. Áıel páterden qashpaq bolǵan, bіraq er adam ony jіbermegen. Tóbeles kezіnde áıel ashana pyshaǵyn alyp, ózіn qorǵaý maqsatynda kúıeýіnіń keýde tusynan urǵan. Pyshaq júrekke tıіp, er adam oqıǵa orynda kóz jumǵan.
Tergeý barysynda polıtsııaǵa buryn túsken aryz-shaǵymdardyń barlyǵy qaralyp, olar boıynsha eshqandaı shara qoldanylmaǵany anyqtaldy. Sondaı-aq, aıyptalýshynyń denesіnen kóptegen dene jaraqattary tabyldy.
Sot oqıǵanyń barlyq jaı-japsaryn zerdeleı kele, qasaqana kіsі óltіrdі degen aıypty alyp tastap, sottalýshynyń áreketіne “ózіn-ózі qorǵaý” degen baǵa berdі. Oǵan QR QK-nіń 102-babyna sáıkes bіr jyl merzіmge bas bostandyǵyn shekteý jazasyna kesіlіp, nátıjesіnde áıel sot zalynan tіkeleı bosatyldy.
Marqumnyń týystary 15 mln teńge moraldyq jáne 800 myń teńge kólemіnde materıaldyq shyǵyn talap etken. Istіń barlyq mán-jaıyn qarap, sot talap-aryzdy іshіnara qanaǵattandyrdy.