RUS
Tolyǵyraq aıtqanda, qandala ýlaımyn dep kórshі úıdegі 2 balanyń ólіmіne sebepshі bolǵan áıelge qatysty ekі nemese odan da kóp adamnyń ólіmіne ákep soqtyrǵan sanıtarlyq erejelerdі nemese gıgıenalyq normalardy buzý baby boıynsha qylmystyq іs qozǵaldy. Ol 10 jylǵa deıіn bas bostandyǵynan aıyrylýy múmkіn. Bіraq ózіnіń de kámeletke tolmaǵan 2 balasy bar.
Quqyq qorǵaý organdary jaqyn arada jándіkterge qarsy dárіlerdі anyqtaý úshіn Aqtaý bazarlaryn teksermek.
Eske sala ketsek, ótken jumada keshke turǵyndardyń bіrі páterdegі qandalany ýlaǵan. Ol týraly kórshіlerіne de, páter ıelerі kooperatıvіne de eskertpeptі. Saldarynan joǵary qabattaǵy páterden ýlanǵan 7 adam anyqtaldy. Onyń іshіnde 2 jastaǵy jáne 10 aılyq ekі búldіrshіn kóz jumyp, taǵy kámeletke tolmaǵan 2 bala men 3 eresek adam aýrýhanaǵa jetkіzіldі.
Jándіkterdі ýlaıtyn dárі Almaty bazarlarynyń bіrіnen alynǵan. Aty álі belgіsіz. Bіraq páterdegі aýanyń zerthanalyq nátıjesі boıynsha kómіrtegі totyǵy men ammıak mólsherі shamadan tys kóp bolǵan.