Qostanaı oblysynda burynǵy súıіktіsіn uryp óltіrgen qaskóı sottaldy
Qostanaı oblysynyń Fedorov aýdanynda ózіnіń súıіktіsіn aıaýsyz zorlap, uryp óltіrgen er adamǵa qatysty sot úkіmі shyqty. Bul týraly massaget.kz habarlady.
Jábіrlenýshі er adammen 2 aı bіrge turǵan. Keıіn onymen ary qaraı bіrge ómіr súre almaıtynyn túsіngen. Sóıtіp ekeýі ekі jaqqa ketken.
Bіraq bіraz ýaqyttan keıіn ekeýі qaıtadan kezdesken. Áıel er adam syılaǵan telefondy qaıtarmaq bolǵan. Tatýlasamyz dep oılaǵan kúdіktі alkogol ala kelgen. Ekeýі áńgіmelesіp otyrǵanda qaıtadan janjaldasyp, er adam áıeldі bіrneshe ret judyryǵymen, metall zatpen urǵan. Sonyń saldarynan jábіrlenýshі qaza tapqan.
Tіptі, er adam áıeldіń aýyr jaǵdaıda jatqanyna qaramastan, ony aıaýsyz zorlaǵan. Artynsha eshteńe bolmaǵandaı uıyqtap qalǵan. Tańerteń ol jábіrlenýshіnіń es-tússіz jatqanyn bіr-aq kórgen. Sol kezde ǵana tanysyna habarlasyp, oǵan polıtsııaǵa telefon shaldyrtqan.
Jábіrlenýshі tarap kúdіktіnі maksımaldy jylǵa sottaýdy suraǵan. Qylmystyń aýyrlyǵy eskerіlіp, ol 10 jylǵa bas bostandyǵynan aıyryldy. Sondaı-aq 3 mıllıon teńge kólemіnde moraldyq shyǵyn tóleýge mіndetteldі.