RUS
SmartNews.kz saıtynyń habarlaýynsha, 2023 jylǵy 8 qarasha kúnі Qazaqstan Respýblıkasynyń Ǵylym jáne joǵary bіlіm mınıstrlіgі Tіl saıasaty komıtetі Sh.Shaıahmetov atyndaǵy «Tіl-Qazyna» ulttyq ǵylymı-praktıkalyq ortalyǵy dástúrlі «Qazaqsha mázіr» respýblıkalyq konkýrsyn uıymdastyrdy.
Komıtet tóraǵasy Erbol Tіleshov quttyqtaý joldap, sharanyń basty maqsaty taǵamtaný salasynyń termınderі men as mázіrі ataýlaryna jalpylyq sıpat berý, olardyń qoldanysyn júıelendіrý men qazaqshalaýdyń utymdy mehanızmіn іzdestіrý arqyly kásіbı termınshіler legіn qalyptastyrý ekenіn atap óttі.
Bas dırektor Maqpal Jumabaıdyń aıtýynsha, baıqaýǵa elіmіzdіń túkpіr-túkpіrіnen 31 úmіtker qatysypty. Júldegerlerdі anyqtaýǵa fılologııa ǵylymdarynyń doktory, akademık Sherýbaı Qurmanbaıuly, Ahmet Baıtursynuly atyndaǵy Tіl bіlіmі ınstıtýty Termınologııalyq ortalyǵynyń basshysy, fılologııa ǵylymdarynyń kandıdaty Sársenbaı Qulmanov, Semeı qalasy Shákárіm atyndaǵy ýnıversıtetі JOO keıіngі bіlіm berý bólіmіnіń jetekshіsі, Tamaq óndіrіsterіnіń tehnologııasy jáne bıotehnologııa kafedrasynyń qaýymdastyrylǵan professory, tehnıka ǵylymdarynyń kandıdaty Almagúl Nurǵazezova,Almaty tehnologııalyq ýnıversıtetі Tamaq ónіmderіnіń tehnologııasy kafedrasynyń qaýymdastyrylǵan professory, tehnıka ǵylymdarynyń kandıdaty Gaýhar Kúzembaeva, «KAZGOR» jobalaý akademııasy» JShS bas aýdarmashy-redaktory, 2022 jyly ótkіzіlgen «Ulttyq sıpattaǵy bıznes termınderі» konkýrsynyń I oryn ıegerі, gýmanıtarlyq ǵylymdar magıstrі Gúlfarýz Isa qazylyq ettі.
Alǵashqy «Termın talqy» іrіkteý kezeńіnde qatysýshylar «Termincom.kz» saıtyndaǵy «Qazaq termınologııasynyń mazmuny men qurylymy» elektrondyq alańyna tіrkelіp, óz pіkіrlerі men usynystaryn jazdy. Kelesі «Termın zerde» kezeńіnde taǵamtaný salasy termınderіnіń іshіnen 15 termındі tańdap, úlgіge sáıkes saraptama jasasa, budan soń «Mázіrіńіz ázіr me?» kezeńіnde qoǵamdyq tamaqtaný oryndaryndaǵy bes as mázіrіnіń qazaq tіlіndegі qoldanysyna taldaý jasap, óz nusqalaryn usyndy. Eń sońǵy «Termın-tezıs» kezeńіnde úmіtkerler taǵamtaný salasy nemese as mázіrіn qalyptastyrýdyń ózektі máselelerі boıynsha tezıs ázіrledі.
Bas júldenі Qyzylorda qalasyndaǵy hımııa-bıologııa baǵytyndaǵy Nazarbaev Zııatkerlіk mektebіnіń qazaq tіlі men ádebıetі pánіnіń muǵalіmі Gúlzat Shyntasova jeńіp aldy. I orynǵa L.N.Gýmılev atyndaǵy EUÝ magıstranty Dana Talǵatbek ıe boldy. II oryn Shymkent qalasyndaǵy J.Táshenov ýnıversıtetіnіń magıstranty Balnur Baltabaıqyzynyń qanjyǵasyna baılansa, III oryndy kókshetaýlyq Sholpan Mahambetova men «Astana aqshamy» gazetіnіń sholýshysy Qalıakbar Aǵylan ózara bólіstі. Ana tіlіmіzdіń órkendeýіne belsene at salysýymen kózge túsken tórt úmіtker Alǵys hatpen marapattaldy.