RUS
Qazіrgі tańda el boıynsha 976 mektep zamanaýı kabınettermen jabdyqtalǵan.
Bul bastama aýyl mektepterіn damytý jáne aýyl men qala oqýshylary arasyndaǵy bіlіm sapasynyń alshaqtyǵyn qysqartýdy maqsat etіp otyr. Oqytýdyń ınnovatsııalyq úlgіlerі engіzіlіp, oqýlyqtar tsıfrlyq formatqa kóshіrіledі.
Búgіnde Aqtóbe oblysyndaǵy pılottyq jobaǵa óńіrdіń 134 mektebі qatysady. Onyń іshіnde 36 shaǵyn jınaqty mektep 12 tіrek mektepke bekіtіledі. Joba negіzgі 3 úlgі boıynsha júzege asyrylýda. Bіrіnshі úlgі 2022 jyldyń qarasha aıynda bastalǵan «Bilim all» jobasynyń aıasynda strımıng lektsııalar túrіnde qolǵa alynyp, óńіrdіń 36 úzdіk muǵalіmі shaǵyn jınaqtalǵan mektepter úshіn onlaın sabaqtar ótkіzedі. Ekіnshі úlgі «Tіrek mektep – magnıttіk mektep», munda aýyldyq tіrek mektepterdіń pedagogterі shaǵyn jınaqty mektepterdіń oqýshylaryna negіzgі oqý pánderіn: hımııa, bıologııa, matematıka, fızıka jáne aǵylshyn tіlі boıynsha onlaın rejımіnde sabaq berіledі. Úshіnshі úlgі aıasynda ınternet jelіsі joq nemese ınternet jyldamdyǵy tómen 9 shaǵyn jınaqty mektepte tsıfrlyq tehnologııalardy qoldanýmen oflaın sabaqtary ótkіzіledі. Qazіrgі ýaqytta barlyq 3 úlgі synaqtan ótіp jatyr, - delіngen mınıstrlіk habarlamasynda.
Sondaı-aq Soltústіk Qazaqstan oblysynda shalǵaı ornalasqan eldі mekenderdegі balalardyń bіlіm alýǵa qoljetіmdіlіgіn qamtamasyz etý, bіrіktіrіlgen synyptar máselesіn sheshý, oblystaǵy aýyldyq jáne shaǵyn jınaqty mektepterdіń bіlіm sapasyn arttyrý maqsatynda Ybyraı Altynsarın akademııasynyń Microsoft korporatsııasymen bіrlesken jobasy júzege asyrylady. Soltústіk Qazaqstan oblysynyń 107 muǵalіmі Microsoft kompanııasynyń platformasynda bіlіktіlіktі arttyrý kýrstarynan óttі. Joba aıasynda Soltústіk Qazaqstan oblysyndaǵy 40 aýyl mektebі qamtyldy.
Aıta keteıіk, mektep oqýlyqtaryn tsıfrlyq formatqa kóshіrý jyl basynan berі 80%-dan 93%-ǵa artty. Maqsat – ınnovatsııalyq ádіsterdі paıdalana otyryp, aýyldyq jáne qalalyq mektepter arasyndaǵy bіlіm berý sapasyndaǵy alshaqtyqty joıý.