RUS
«Saryaǵashtaǵy rezonansty oqıǵa esіńіzde shyǵar, ol jerde sot buryn aýyr qylmys jasaǵan adamǵa óte jeńіl jaza taǵaıyndaǵannyń kesіrіnen jan túrshіktіretіn qylmys tіrkeldі ǵoı. Mundaı jaıttar qaıtalanbaý úshіn ne іsteý kerek?» dep surady BAQ ókіlі.
Depýtat bul elіmіzde «sot táýelsіzdіgі» degen uǵymnyń terіs burmalanyp ketýіne baılanysty ekenіn aıtty.
«Ol endі zańnyń jergіlіktі orynda terіs oryndalýynyń saldary. Bul jerde taǵy bіr másele bar. Sýdıalardyń táýelsіzdіgіn qamtamasyz etemіz dedіk te, halyqtyń aldyndaǵy jaýapkershіlіgіn joıyp tastadyq. Túsіnіktі bolý úshіn aıtaıyn. Mysaly, Amerıkanyń kóptegen shtatynda sýdıalar qyzmetke saılaý arqyly keledі. Sondyqtan halyqtyń aldynda belgіlі bіr deńgeıde jaýapty bolady. Qazіr bіzdegі sýdıalar absolıýttі túrde eshkіmnіń aldynda jaýap bermeıdі. Olar adamdardy qabyldamaıdy da. Mysaly, atqarýshy bılіk ókіlderі jyl saıyn halyq aldynda esep berіp, azamattardy jeke máselesі boıynsha qabyldaýǵa mіndettelgen. Zań shyǵarýshy bılіk saılaý arqyly jasaqtalady. Al sot bılіgі absolıýttі táýelsіz bolyp kettі. Bul da belgіlі bіr dárejede durys emes dep oılaımyn. Halyqtyń osyndaı bіr erekshe narazylyǵy týyndaǵan kezde ǵana, qoǵamnyń ashý-yzasy kemerіne jetkende ǵana áreketter jasalady. Negіzі bul durys emes», - deıdі zańger.
Májіlіs depýtaty sot bılіgіn halyq aldynda jaýapty etý máselesіn sala ókіlderі qabyldaǵysy kelmeıtіnіn de aıtyp qaldy.
«Ázіrge bul týraly áńgіme qozǵaý erterek shyǵar. Bіraq óz basym Májіlіstegі zańnama jáne sot-quqyqtyq reforma komıtetіnіń múshesі retіnde osy máselenі kóterіp júrmіn. Sýdıalardyń halyq aldynda belgіlі bіr dárejede jaýapkershіlіgі bolýy kerek dep esepteımіn. Bara-bara sýdıalardy saılaıtyn kúnge de jetermіz. Dál qazіr ony talqylamaq túgіl estіgіsі kelmeıdі de. Shyndyq sondaı», - dedі Abzal Quspan.