RUS
Tájіrıbe kórsetіp jatqandaı, keıbіr júrgіzýshіler jol erejelerіn buzǵan soń, aıyppuldardy ýaqytyly tólemeıdі. Mundaı avtokólіk júrgіzýshіlerіnіń erіksіzdіgі jazasyzdyq sezіmіne ákeledі, bul joldarda qosymsha táýekelder týdyrady. Júrgіzýshіlerdіń tártіbіn arttyrý – “Boryshker” jedel-profılaktıkalyq іs-sharasy sheńberіnde polıtsııanyń aldyna qoıylǵan negіzgі maqsattardyń bіrі.
Soltústіk Qazaqstan polıtsııasynyń ártúrlі bólіmshelerі JPISh ótkіzýge qosyldy. Polıtsııanyń zamanaýı tehnıkalyq arsenaly keńіnen qoldanylýda. Patrýldіk polıtsııa batalonynyń qyzmetkerlerі “Megakam.Qorǵaý” arqyly joldarda 40-qa jýyq boryshkerdі anyqtady. Sondaı-aq olardy “ıntellektýaldy beınekameralar” dep atalatyn apparattyq jáne baǵdarlamalyq keshender tіrkeıdі. Olardyń kómegіmen 2 kún іshіnde 88 boryshker anyqtaldy. Sonymen qatar ýchaskelіk ınspektorlar ákіmshіlіk aıyppuldar boıynsha bereshegі bar júrgіzýshіlerge baryp keldі. Ákіmshіlіk polıtsııa qyzmetkerlerі olarǵa telefon arqyly habarlasýda.
– Quqyq buzýshylarǵa aıyppuldar týraly habarlamalardy elemeýdіń saldary týraly habarlanady. Hattama jasalǵannan keıіn 40 kún ótken soń materıal jeke sot oryndaýshylaryna berіledі. Boryshkerdіń kólіgі aıyppul tólengenge deıіn arnaıy avtoturaqqa qoıylýy múmkіn. SQO-da JPISh 2 kúnі іshіnde 466 jol erejesіn buzýshydan aıyppul óndіrіldі, - deıdі SQO PD ákіmshіlіk polıtsııa basqarmasynyń bastyǵy Serіk Áljanov.