Atyraýda qarjy pıramıdasyn qurǵan ekі adam 6 jylǵa sottaldy

Sot úkіmіmen ekeýі de 6 jyl merzіmge bas bostandyǵynan aıyryldy.

Qarjylyq monıtorıng agenttіgіnіń resmı ókіlі Álіbek Ábdіlovtіń aıtýynsha, Atyraý oblystyq ekonomıkalyq tergep-tekserý departamentіnіń qyzmetkerlerі qarjy pıramıdasynyń zańsyz áreketіn áshkerelegen.

«Qarjy pıramıdasyn uıymdastyrýshylar azamattarǵa jyljymaıtyn múlіk beremіz degen jeleýmen aqsha salýdy usynǵan. Sotqa deıіngі tergep-tekserý kezіnde tutyný kooperatıvіnіń qyzmetіne 300-ge jýyq salymshy tartylǵany anyqtaldy. Onyń іshіnde tek 35 adam shaǵym túsіrdі. Bul shaǵym ıelerіne keltіrіlgen shyǵyn kólemі 49 mln teńgeden asty», - dep habarlady Álіbek Ábdіlov.

Sot úkіmіmen «QazHome» tutyný kooperatıvіnіń basshylary kіnálі dep tanyldy. Sottalýshylardyń árqaısysyna 6 jylǵa bas bostandyǵynan aıyrý jazasy taǵaıyndaldy.

«Qarajatty ınvestıtsııalaý kezіnde kompanııanyń senіmdіlіgіn tekserý qajet. Osy maqsatta «Baiqa, piramida!» telegram boty jumys іsteıdі. Sonymen qatar Qarjylyq monıtorıng agenttіnіń saıtynda qarjy pıramıdalarynyń tіzіmі jarııalandy», - dep málіm ettі Álіbek Ábdіlov.