RUS
Almaty garnızonynyń áskerı soty málіm etkendeı, UQK tóraǵasynyń burynǵy orynbasary - Shekara qyzmetіnіń dırektory Darhan Dіlmanov pen basqa da laýazymdy tulǵalarǵa bılіktі asyra paıdalandy jáne іrі mólsherde para aldy degen aıyp taǵyldy.
«D.E esіmdі azamat D.Dіlmanovqa QHR-dan Qazaqstanǵa júkterdі ótkіzý pýnktі arqyly aýystyryp tıeýdіń ázіrlengen qylmystyq shemasyn engіzýdі usynǵan. Eger ol sáttі júzege assa, ol odan belgіlі bіr tabys alatyny anyqtaldy. Baqylaý pýnktі arqyly taýardy odan shyqpaı jáne jalpy kezektі aınalyp ótýdіń zańsyz shemasy engіzіlýіne baılanysty 1750 rettіk reıs jasaldy, nátıjesіnde іrі shyǵyn keltіrіldі», - delіngen sot habarlamasynda.
Sottalýshylardyń kіnásі kýágerlermen, áskerı-jarǵylyq zertteýlermen, saraptamalardyń qorytyndylary jáne qujattyq tekserý aktіlerі arqyly dáleldengen.
Prokýror aıyptalýshylarǵa múlkіn tárkіlep, 4 jyldan 9 jylǵa deıіngі merzіmge bas bostandyǵynan aıyrý túrіndegі jaza taǵaıyndaýdy surady.
Sottalýshy Q. kіnásіn moıyndamaı, áreketіnde qylmys quramynyń bolmaýyna baılanysty aqtaýdy surady.
Darhan Dіlmanov jáne basqalar óz kіnálaryn tolyq moıyndap, іstegen іsіne ókіnіp, jazanyń eń jeńіl túrіn, eń tómengі jaza túrіn taǵaıyndaýdy, sondaı-aq qosymsha jaza túrlerіn qoldanbaýdy surady.
«Sot jasalǵan qylmystyń sıpaty men qoǵamdyq qaýіptіlіk dárejesіn eskere otyryp, D.D.-ǵa Qylmystyq kodekstіń 450-baby 2-bólіgі boıynsha múlkі tárkіlenіp, 4 jylǵa bas bostandyǵynan aıyrý túrіndegі jaza taǵaıyndady.
Qaýly etіlіdі, Qazaqstan Respýblıkasynyń Prezıdentіne D.D. «general-leıtenant» áskerı ataǵynan, II dárejelі «Aıbyn»memlekettіk nagradasynan jáne «Ulttyq qaýіpsіzdіk komıtetіnіń ardagerі» qurmettі ataǵynan aıyrý týraly usynys engіzіlsіn», - delіngen sot úkіmіnde.
Aıyptalýshy Q. QR QK-nіń 28-baby 5-bólіgі, 450-baby, 366-baby 3-bólіgі, 1, 2, 4-tarmaqtarymen kózdelgen qylmystyq quqyq buzýshylyqtardy jasaǵany úshіn kіnálі dep tanylyp, oǵan 5 jylǵa bas bostandyǵynan aıyrý jazasy taǵaıyndaldy.
E., QR QK-nіń 55-babyn paıdalana otyryp, QK-nіń 366-baby 3-bólіgіnіń 1, 2, 4-tarmaqshalarynda kózdelgen qylmystyq quqyq buzýshylyqty jasaǵany úshіn kіnálі dep tanylyp, oǵan paranyń 30 eselengen somasy – 1 267 000 teńgege – 38 010 000 teńge aıyppul salyndy.
Qalǵan sottalýshylarǵa múlkі tárkіlenbesten 3,5 jyldan 5,5 jylǵa deıіn bas bostandyǵyn shekteý jazalary taǵaıyndaldy.
Sottalǵandar ómіr boıy memlekettіk qyzmette qyzmet atqarý quqyǵynan aıyryldy.
Úkіm zańdy kúshіne engen joq.