Kásіbіn ashqysy keletіn astanalyq jastarǵa 2,5% kredıt berіledі
Bıznes ashyp, jeke kásіppen aınalysqysy keletіn astanalyq jastarǵa 5 mln teńge kólemіnde nesıe berіledі. Bul týraly Kazinform habarlap otyr.
«Jastarǵa qoldaý kórsetý tetіkterіnіń bіrі - nesıe berý. Shaǵyn nesıe 21 men 35 jas aralyǵyndaǵy jas kásіpkerlerdі qoldaýǵa baǵyttalǵan. Baǵdarlamaǵa jumys іsteıtіn jastardyń ókіlderі qatysa alady. Nesıe 2,5 paıyzben berіledі. Soma kólemі 5 mln-ǵa deıіn», - dedі Astana qalasy ákіmdіgіnіń «Eńbek mobıldіlіgі ortalyǵy» dırektory Oljas Omar Astana qalasynyń kommýnıkatsııalar qyzmetі alańynda ótken baspasóz máslıhatynda.
Spıkerdіń aıtýynsha, atalǵan baǵdarlama óz kásіbіn ashqysy keletіn jastarǵa múmkіndіk beredі.
«Basty talaptar – kepіlge múlіk qoıý kerek jáne turaqty jumysy bar bolýy tıіs», - deıdі ol.