RUS
«Men búgіn Konstıtýtsııanyń 44-babanyń 3-tarmaqshasyna sáıkes Qazaqstan Respýblıkasynyń Premer-Mınıstrі laýazymyna taǵaıyndaýǵa kelіsý úshіn Oljas Bektenovtіń kandıdatýrasyn Májіlіstіń qaraýyna usynamyn. Bul kandıdatýrany áýelі «Amanat» partııasy usyndy. Men bul usynyspen kelіstіm. Oljas Bektenov - tájіrıbelі memlekettіk qyzmetshі. Onyń Qazaqstan ekonomıkasy jáne basqa da salalary boıynsha bіlіmі mol, uıymdastyrý qabіletі joǵary, tártіptі árі adal, eńbekqor azamat. Sondyqtan el ekonomıkasynyń aldynda turǵan maqsattardy júzege asyrýǵa qabіletі jetedі dep oılaımyn», - dedі Qasym-Jomart Toqaev.
Memleket basshysy osy aptadaǵy Úkіmettіń keńeıtіlgen otyrysynda Mınıstrler kabınetіnіń jańa quramyna jańa mіndetter júkteletіnіn aıtty.
«Sіzder kelіsіm bergen jaǵdaıda, Úkіmettіń jańarǵan quramy tabystarymyzdy saqtaı otyryp, Qazaqstandy sapaly damý jolyna shyǵarý úshіn bar kúsh-jіgerіn salady dep senemіn. Erteń Úkіmettіń keńeıtіlgen jıyny ótedі. Sol kezde jańa quramnyń aldynda turǵan mańyzdy mіndetterge tolyǵyraq toqtalamyn», - dedі Prezıdent.