Almatyda óz árіptesіn abaısyzda atyp óltіrgen polıtseı sottaldy
Almatynyń Almaly aýdandyq soty byltyr jaz aıynda óz árіptesіn abaısyzda atyp óltіrgen polıtseıge qatysty úkіm shyǵardy.
Sot anyqtaǵandaı, 2023 jyldyń jazynda sottalýshy K. kúzet aýysymyna kelgen. Onyń árіptesі qyzmettіk qarýdy alǵannan keıіn, K.-dan belbeýіn baılap alý úshіn odan qarýdy ustaı turýyn suraǵan.
«Sottalýshy K. óz kezegіnde qyzmettіk qarýdy alyp, erejenі saqtamastan, qarýdy joǵary-tómen sermegen. Osy áreketterіnіń saldarynan abaısyzda qarsy aldynda turǵan árіptesіnіń basynan atyp jіbergen. Qyzmetker alǵan jaraqatynan sol jerde mert boldy», - dep habarlady Almaty qalalyq sotynyń baspasóz qyzmetіnen.
Sottalýshy kіnásіn tolyq moıyndap, jasaǵan áreketіne ókіndі.
«Sot K.-ny QR Qylmystyq kodeksіnіń 104-babynyń 1-bólіgіmen kіnálі dep tanyp, 1 jyl 6 aıǵa bas bostandyǵynan aıyrdy. Sondaı-aq sot sottalýshydan jábіrlenýshіnіń paıdasyna moraldyq shyǵyn úshіn 10 mıllıon teńge jáne materıaldyq shyǵyn úshіn shamamen 3,5 mıllıon teńge óndіrdі», - dep atap óttі sottan.