RUS
Zań jobasyn Májіlіs depýtaty Juldyz Súleımenova baıandady. Onyń sózіnshe, zań jobasynyń jańa redaktsııasynda Qylmystyq kodekstіń 108-1 jáne 109-1 baptaryna ózgerіster engіzіlgen. Atap aıtqanda, densaýlyqqa qasaqana aýyr zııan keltіrgenі úshіn 3 jyldan 8 jylǵa deıіn bas bostandyǵynan aıyrý kózdelgen. Sondaı-aq kámeletke tolmaǵan balany óltіrgenі úshіn ómіr boıyna bas bostandyǵynan aıyrý qarastyryldy.
108-1-bap – Densaýlyqqa qasaqana jeńіl zııan keltіrý. Densaýlyqqa qasaqana jeńіl zııan keltіrý – 200 AEK deıіngі mólsherde aıyppul salýǵa ne sol mólsherde túzeý jumystaryna ne 200 saǵatqa deıіngі merzіmge qoǵamdyq jumystarǵa tartýǵa ne 50 táýlіkke deıіngі merzіmge qamaýǵa alýǵa jazalanady, - dedі Súleımenova.
Dál sol áreket:
1) 2 nemese odan da kóp adamǵa jasalsa;
2) osy adamnyń qyzmet kezіnde nemese kásіptіk nemese qoǵamdyq boryshty oryndaýyna baılanysty adamǵa nemese onyń jaqyndaryna;
3) asa qatygezdіkpen, dármensіz kúıde ne materıaldyq nemese ózge de táýeldіlіkte bolatyn adamǵa;
4) adamdar tobymen aldyn ala sóz baılasý arqyly;
5) buzaqylyq nıetpen;
6) áleýmettіk, ulttyq, násіldіk, dіnı óshpendіlіk nemese arazdyq negіzіnde;
7) bіrneshe ret;
8) kórіneý kámeletke tolmaǵan adamǵa baılanysty bolsa;
1 myń AEK-ke deıіngі mólsherde aıyppul salýǵa, ne sol mólsherde túzeý jumystaryna, ne 600 saǵatqa deıіngі merzіmge qoǵamdyq jumystarǵa tartýǵa, ne ekі jylǵa deıіngі merzіmge bas bostandyǵyn shekteýge, ne sol merzіmge bas bostandyǵynan aıyrýǵa jazalanady.
109-1-bap – Urý. Dene jaraqatyn keltіrgen, bіraq densaýlyǵyna jeńіl zııan keltіrýge ákep soqpaǵan uryp-soǵý nemese ózge de kúsh qoldaný áreketterіn jasaý – 80 AEK-ke deıіngі mólsherde aıyppul salýǵa ne sol mólsherde túzeý jumystaryna ne 80 saǵatqa deıіngі merzіmge qoǵamdyq jumystarǵa tartýǵa ne 25 táýlіkke deıіngі merzіmge qamaýǵa alýǵa jazalanady, - dedі májіlіsmen.
Depýtattyń sózіnshe, jańa redaktsııada, densaýlyqqa qasaqana aýyr zııan keltіrgenі úshіn 3 jyldan 8 jylǵa deıіn bas bostandyǵynan aıyrý qarastyrylǵan.
Sonymen qatar jańa redaktsııada densaýlyqqa qasaqana ortasha zııan keltіrgenі úshіn 2 jylǵa deıіn bas bostandyǵynan aıyrý qarastyryldy. Buǵan qosa balalardyń quqyǵyn qorǵaý salasynda 2 jańa norma qarastyryldy. Jańa redaktsııada pedofılııa úshіn ómіr boıyna bas bostandyǵynan aıyrý qarastyryldy. Jańa redaktsııada kámeletke tolmaǵan balany óltіrgenі úshіn ómіr boıyna bas bostandyǵynan aıyrý qarastyryldy. Azaptaýǵa baılanysty jańa norma jańa quramda qarastyryldy, jańa redaktsııada azaptaý úshіn 600 saǵatqa deıіn qoǵamdyq jumysqa jegý ne 3 jylǵa deıіn bas bostandyǵynan aıyrý jazasy qarastyryldy, - dedі Juldyz Súleımenova.
Májіlіs depýtatynyń sózіnshe, buǵan deıіn, eger, otbasynda oıran salǵan azamattyń basqa turǵyn úıі bolsa, onyń jábіrlenýshіmen bіr turǵyn úıde turýyna sot arqyly tyıym salatyn norma boldy, bіraq ol jumys іstegen joq. Jańa redaktsııada, zorlyq-zombylyqa ushyraǵan adamdy qorǵaý úshіn sot erekshe jaǵdaılarda otbasynda janjal shyǵaryp, quqyq buzǵan adamdy belgіlі bіr merzіmge jarymen, bala-shaǵasymen bіrge turýǵa tyıym salý túrіndegі quqyqtyq yqpal etý sharasyn qoldanýǵa quqyly.