RUS
Aıtýynsha, jyl saıyn medıtsınalyq saqtandyrý esebіnen kardıohırýrgııa, neırohırýrgııa, ýrologııa, travmatologııa, onkologııa jáne taǵy basqa profılder boıynsha myńdaǵan operatsııa jasalyp jatyr.
Mundaı operatsııalar kúrdelіlіgіne baılanysty kúndelіktі qala emhanalary men men ǵylymı ortalyqtary deńgeıіnde de oryndalýy múmkіn.
«2023 jyly MÁMS arqyly 134 myńnan astam operatsııa jasalyp, oǵan 78 mlrd teńge tólengen. Onyń іshіnde joǵary tehnologııalardyń kómegіmen jasalatyn operatsııalar men manıpýlıatsııalarǵa Qor 21,7 mlrd teńge bóldі. Saqtandyrylmaǵan azamattar osyndaı operatsııalardy jasatatyn bolsa qaltasynan bіrneshe mıllıon tólegen bolar edі», - dep atap óttі Tіleýhan Ábіldaev.
Spıkerdіń sózіnshe, byltyr 1841 kardıohırýrgııalyq, 562 neırohırýrgııalyq jáne lor-profılі boıynsha 250 operatsııa jasaldy.
«Sońǵy kezde artroz, artrıt syndy býyn aýrýlarynyń kóbeıýіne baılanysty tіze, jambas býyndaryn almastyrýshylar sany kúrt artqany belgіlі. 2023 jyly almatylyq travmatologtar osyndaı 4 670 operatsııa jasaǵan. Oǵan MSQ 6,9 mlrd teńge tóledі», - dedі fılıal dırektory.
Sonymen qatar, aǵza almastyrý operatsııalary da MÁMS paketі arqyly qarjylandyrylady.
«2023 jyly quny 565,6 mln teńgeden asatyn 95 transplantatsııa jasaldy. Mundaı bіr ǵana otanyń ózі orta eseppen alǵanda 7-9 mln teńge turady. Osy qyzmetterdіń bárіn saqtandyrylǵan azamattar MÁMS arqyly qıyndyqsyz paıdalanyp keledі»,- dedі ol.