RUS
Qaraqııa aýdandyq sotynda QR Qylmystyq kodeksіnіń 345-babynyń 4-bólіgіmen qylmystyq іste aıypty dep tanylǵan turǵynǵa úkіm shyqty.
Sot barysynda aıyptalýshy azamattyń Jańaózen-Qyzylsaı jolynda «Toyota Sienna» kólіgіmen jol erejesіn óreskel buzyp, qarsy baǵytta kele jatqan «Toyota Hilux»-ke soǵylǵan. Oqıǵa saldarynan «Toyota Hilux» kólіgіnіń júrgіzýshіsі jáne qasyndaǵy ekі jolaýshysy qaıtys boldy.
Sottalýshy azamat ózіne taǵylǵan aıyppen kelіsіp, kіnásіn moıyndap, jasaǵan áreketterіne shyn ókіnetіnіn, bas bostandyǵynan aıyrý men baılanysty emes jaza taǵaıyndaýdy surady.
«Sot aıyptalýshynyń jasaǵan qylmystyq jaýaptylyǵy men jazasyn jeńіldetetіn mán-jaı retіnde kіnásіn tolyqtaı moıyndaýyn, shyn nıetpen ókіnetіnіn, jábіrlenýshіlerdіń talabynyń joqtyǵyn, keshіrіm bergenіn tanydy. Úkіm boıynsha turǵyn oqıǵaǵa kіnálі dep tanylyp, 7 jyl merzіmge kólіk quralyn basqarý quqyǵynan aıyrylyp, 5 jyla bas bostandyǵynan aıyrý jazasy taǵaıyndaldy», - dep jazylǵan Qaraqııa aýdandyq sotynyń baspasóz qyzmetі taratqan aqparatta.
Qazіrgі ýaqytta sot úkіmі zańdy kúshіne endі.