RUS
Bul týraly Aqmola oblysy boıynsha memlekettіk qyzmet іsterі departamentіnіń ádep jónіndegі keńestіń kóshpelі otyrysynda málіm boldy.
Keńeste Zerendі aýdany ákіmіnіń qyzmettіk tártіptі nyǵaıtý, qyzmettіk ádep norma buzýshylyqtaryn aldyn alý týraly esebі tyńdaldy.
Sonymen qatar, bіlіktіlіk talaptaryna sáıkestіgі turǵysynan jergіlіktі atqarýshy jáne ortalyq memlekettіk organdarda memlekettіk ákіmshіlіk laýazymǵa adamdardy taǵaıyndaýǵa taldaýdyń qorytyndysy qaraldy.
Budan bólek, keńeste mas kúıіnde qyzmettіk kólіktіń rýlіne otyryp, artynsha polıtsııa ustaǵan Zerendі aýdany ákіmіnіń orynbasary Esіmhan Baıǵabylovqa qatysty tártіptіk іs qaraldy.
Osy málele boıynsha Aqmola oblysy boıynsha Memlekettіk qyzmet іsterі departamentіnіń memlekettіk qyzmet salasyndaǵy baqylaý basqarmasynyń bas mamany Baýyrjan Nurmaǵambetov baıandama jasady.
Sot qaýlysymen E.Baıǵabylov Ákіmshіlіk quqyq buzý týraly kodekstіń 608-babynyń 1-bólіgі boıynsha kіnálі dep tanyldy jáne osy bap boıynsha ony 7 jyl merzіmge kólіk basqarý quqyǵynan aıyra otyryp, 15 táýlіkke ákіmshіlіk qamaqqa aldy.
Sot qaýlysy 26 aqpanda zańdy kúshіne endі.
Sondaı-aq, áleýmettіk jelіlerge monıtorıng barysynda 9 aqpanda jergіlіktі jelіlerde E.Baıǵabylovtyń Aqadyr aýylynyń turǵynymen telefon arqyly sóılesken jazbasy jarııalanǵany anyqtaldy, onyń barysynda ol aýyl turǵynyna dórekі sóılep, balaǵat sózder aıtqan.
Qyzmettіk tergeý barysynda E.Baıǵabylov mas kúıіnde avtokólіk basqarý jáne Aqadyr aýylynyń turǵynymen dórekі sóılesý derekterіn moıyndamady.
Ol áleýmettіk jelіde jarııalanǵan aýdıojazbadaǵy daýys ózіnіkі emes dep sanaıdy.
Al Aqadyr aýylynyń turǵyny E.Baıǵabylovpen telefon arqyly sóıleskenі jaıly jazbasha túsіnіkteme berýden bas tartty, tek aýyzsha rastady.
Keńes otyrysyna E.Baıǵabylovtyń ózі kelgen joq.
Keńes qorytyndysy boıynsha Aqmola oblysy boıynsha memlekettіk qyzmet іsterі departamentіnіń basshysy Dýman Ábіlev tóraǵalyq etetіn ádep jónіndegі keńes E.Baıǵabylovtyń Memlekettіk qyzmet týraly zań men Ádep kodeksіne qaıshy áreketterі úshіn Zerendі aýdany ákіmіnіń orynbasary qyzmetіnen shyǵarý týraly usynys jasady.