RUS
Bas prokýratýra Ishkі іster eks-mınıstrі Erlan Turǵymbaevty jáne polıtsııa organdarynyń basqa da basshylaryn qylmystyq qýdalaý týraly túrlі Telegram-arnalarda taratylǵan aqparatqa qatysty túsіnіk berdі.
Aıta ketsek, Bas prokýratýra 2022 jyldyń basynan bastap qańtar oqıǵasy kezіnde quqyqtyq tártіp pen qaýіpsіzdіktі qamtamasyz etpeýge, sondaı-aq azamattarǵa azaptaýdy qoldanýǵa baılanysty kúshtіk qurylymdardyń qyzmetkerlerіne qatysty tergep-tekserýlerdі jalǵastyryp jatyr.
Azaptaý іsіne baılanysty oblystyq polıtsııa jáne ulttyq qaýіpsіzdіk organdarynyń bіrqatar basshysy men qyzmetkerlerі sottaldy.
Júrgіzіlіp jatqan tergep-tekserýler sheńberіnde Ishkі іster eks-mınıstrі Erlan Turǵymbaevtan da jaýap alynǵany aıtyldy. Sondaı-aq Bas prokýratýra Almaty oblysynyń Qarasaı aýdanyna qarasty Qoshmambet aýylynda ornalasqan arnaıy qabyldaý jaǵdaıynda ustalǵan azamattarǵa azaptaýdy qoldaný týraly іs boıynsha dáleldemeler jınady.
2024 jyldyń 16 naýryzynda osy qylmysty jasaǵany úshіn Qarasaı aýdanynyń arnaıy qabyldaý oryny jáne polıtsııa basqarmasynyń burynǵy basshylary qamaýǵa alyndy. Budan basqa, qyzmettіk atys qarýyn urlaý faktіlerі boıynsha Taldyqorǵan qalasy polıtsııa basqarmasynyń burynǵy basshylyǵyna qatysty tergep-tekserý jalǵasýda, - delіngen habarlamada.
Osy máseleler boıynsha basqa da málіmetter tergep-tekserýdіń, sondaı-aq azamattardyń quqyǵy men zańdy múddesіn saqtaı otyryp, jurtshylyqqa jetkіzіletіn bolady.