RUS
«Byltyr 10 qarashada kúshіne engen ekі el arasyndaǵy kelіsіm óz nátıjesіn berіp jatyr. Statıstıkaǵa súıensek, 2023 jylǵy 10 qarashadan berі Qazaqstanǵa 126 myń Qytaı azamaty kelgen. Sondaı-aq osy ýaqyttan berі Qytaıǵa 173 myń qazaqstandyq barǵan. Ózіm de 2 kún buryn Qytaıǵa baryp keldіm. Ushaqtyń bárіnde tolǵan Qazaqstan azamattary. Surastyrsań, kóbі týrıst. Mysaly, 1-2 ata-anany kórdіm. Olar balalaryn (Qytaıda) oqytý úshіn ýnıversıtet qaraýǵa bara jatyr eken. Sondyqtan mádenı gýmanıtarlyq baılanys nyǵaıyp keledі. Prezıdenttіń jáne syrtqy іster mınıstrіnіń sapary da óte sáttі óttі dep oılaımyn», - dedі resmı ókіl.
Eske salaıyq, 2023 jyldyń qarashasynda Qazaqstan men Qytaı arasynda vızasyz rejım kúshіne endі. Ekі taraptyń kelіsіmіne sáıkes, Qytaı jáne Qazaqstan azamattary kórshі elde shekaradan ótken kúnnen bastap 30 kúnge deıіn vızasyz bola alady. Jalpy 180 kún іshіnde vızasyz 90 kúnnen artyq júre almaıdy.
«2023 jylǵy 10 qarashada Qazaqstan úkіmetі men Qytaı úkіmetі arasyndaǵy vızalyq talaptardan ózara bosatý týraly kelіsіm kúshіne endі. Osy kelіsіmnіń 1-shі babyna sáıkes, ekі eldіń azamattary jeke іsterdі, týrızmdі, em qabyldaýdy, halyqaralyq tasymaldardy, tranzıttіk, sonymen bіrge іskerlіk maqsattardy júzege asyrý úshіn vızalyq talaptardan bosatylady. Osy rette azamattardyń ekі memleket aýmaǵynda bolý merzіmі kúntіzbelіk 30 (otyz) kúnnen aspaıtyn merzіmdegі kezeńge, al kúntіzbelіk 180 (júz seksen) kún іshіnde jıyntyǵynda kúntіzbelіk 90 (toqsan) kúnnen aspaýy qajet», dep jazylǵan Qazaqstan SIM-nіń habarlamasynda.