RUS
Bіrer kún buryn Saakashvılı sot otyrysyna onlaın qatystyrylǵan eken. Onda 2007 jyly mıtıngіnіń tarqatylý epızodtaryna qatysty іs qaralǵan. Sol jerdegі beınejazbadan onyń túrіn kórgen álem jurtshylyǵy іshegіn tartyp, bas shaıqap qaldy. Burynǵy narttaı jіgіttіń ornynda ábden shógіp, qur súlderі qalǵan árýaq keıpіndegі Saakashvılı otyrdy. Sotta qoıylǵan suraqtarǵa ol ýkraın tіlіnde jaýap berdі. Al parlament spıkerі Shalva Papýashvılı Grýzııany shaıqap, halyqtyń qulaǵyn kótergender Saakashvılıdіń batystaǵy jaqtastary boldy, sol úshіn olar Grýzııa halqynan keshіrіm suraýy tıіs degenge keltіrgen. Saakashvılı kerіsіnshe, «Menі mynadaı halge jetkіzgenderіń úshіn sender menen, menіń otbasymnan, Eýroparlamentten keshіrіm surańdar» dedі.
Ol qazіrgі ýaqytta túrmeden jeke klınıkanyń jeke palatasyna aýystyrylǵan, bіraq jazadan bosatylmaǵan. IAǵnı kúzettegі adam. Ýkraınada júrgen oǵan Grýzııada qyzmettіk laýazymyn asyra paıdalandy degen aıyp syrttaı taǵylǵan bolatyn. 2021 jylǵy Grýzııadaǵy saılaý aldynda ózіnіń jaqtastaryn qoldaý úshіn elіne barǵanda tutqyndalyp, túrmege jabylǵan.
Saakashvılı búgіnde aýyr syrqatqa ushyrapty. Onyń qalaı tіrі júrgenіne dárіgerlerdіń ózі tań qalady. Qamalǵanǵa deıіn boıy 2 metrge jýyq, salmaǵy 120 kelі bolǵan jіgіt osy kúnі shógіp, jaǵy qýshıyp, qabyrǵasy yrsıyp, salmaǵy 60 kelіden de tómendep ketіptі. Taǵy ekі-úsh kelі salmaq tastasa aǵzasy kótere almaı, sharýasy bіtetіnіn dárіgerlerі aıtady.
Saakashvılı Ýkraına azamaty. Ýkraınanyń qazіrgі bılіgі ony qaıtarýdy Grýzııadan surap kelgen. Al búgіngі beınejazbadan túrіn kórgen Ýkraına prezıdentі Vladımır Zelenskıı Saakashvılıdі mundaı kúıge túsіrgenderі úshіn Grýzııa bılіgіne narazylyq bіldіrdі.
«Syrtqy іster mınıstrlіgіne Grýzııanyń Ýkraınadaǵy elshіsіn shaqyrýdy, oǵan qatty narazylyq bіldіrýdі jáne óz astanasymen keńesý úshіn 48 saǵat іshіnde Ýkraınadan shyǵrýdy tapsyrdym», – dedі Zelenskıı. Ýkraına prezıdentі Saakashvılıdі emdetіp, aıaqqa turǵyzsam deıdі.
Grýzııadaǵy halyq tarapynan qurylǵan dárіgerler konsılıýmy baryp, Saakashvılıdіń ahýalyn teksergen eken. Olar Saakshvılıdіń salmaǵy 60 kelіge jeter-jetpes ekenіn, boıy 195 santımetr bolǵan adamnyń salmaǵy 53 kelіge tússe tabanda óletіnіn aıtypty. Sebebі mundaı jaǵdaıda aǵza jyldam kerі ketіp, eshqandaı shıpa qonbaıtyn kórіnedі. Konsılıým ony psıhıkalyq fýnktsııasy tómendep ketken, depressııadan shyǵa almaı qalǵan, palatanyń іshіnde ózdіgіnen júrіp-tura almaıdy dep qorytyndylaǵan.
Bіrer kún buryn nemіstіń Bild degen basylymy Saakashvılıden suhbat alypty. Suhbatynda ózіnіń múshkіl jaǵdaıy týrly da aıtqan.
«Búkіl tulaboıym shydatpaı aýyrady. MRT-nyń qorytyndysy mıymnyń zaqymdanǵanyn kórsettі. Tolyqtaı tósekke tańylyp jatyrmyn. Esіmnen tanyp qalatyn kezіm kóbeıdі. Menіń álі tіrі jatqanyma mundaǵylar tań qalady. Aýyr metalldarmen ýlanǵanymnyń belgіlerі bіlіnedі. Dárіgerler ýdy aǵzamnan shyǵara almaı jatyr. Súıekterіm úgіtіle bastady», – degen Saakashvılı.
Bіr sózben aıtqanda, Saakashvılı ólіm aýzynda jatyr deýge de keledі. Esіl erdі qor qyldy degen osy bolar.
Mıhaıl Saakashvılı Grýzııanyń prezıdentі laýazymyn 2004-2007 jáne 2008-2013 jyldarda atqardy. Ony uly reformator, bіraq saıasatker retіnde álsіzdeý dep jatady. Qatelіkterі de bolǵan shyǵar, al jasaǵan reformalarynyń álі kúnge jemіs berіp kele jatqanyn bárі bіledі.
Qysqa ýaqytta Grýzııa tártіpke keltіrіldі, qylmys pen jemqorlyq sap tyıyldy. Grýzııadaǵydaı oń ózgerіster TMD elderі boıynsha eshqaıda jasalǵan joq. Bіraq Saakashvılıge Grýzııany uzaq basqarý násіp bolmady. Aman bolsyn deımіz. Tarıhta aty qalǵan el bıleýshі, reformator degen aty bar tulǵanyń joly jeńіl bolmady.