Арабшылдық ұрып тұр: Ғылым сөздері араб тілінен енген деген имам көпшіліктің ашуын тудырды

Исламтанушы, «һибатулла тарази» мешітінің ұстазы қазақ тіліндегі ғылымға қатысты сөздіктер араб тілінен алынғанын айтқан имам көпшіліктің ашуын тудырды, деп хабарлайды KYN.KZ ақпарат агенттігі.

Ұстаз Нұралы Бақытұлының айтуынша, ғылымға қатысты сөздер араб тілінен келген.  

«Араб тілі, Құран тілінен ғылымға қатысты сөздіктер, қазақ, тәжік, өзбек, қырғыз жалпы бірнеше елге араб тілінен енген екен. Мысалы, мактап – мектеп, медресе – медраса, китап-кітап. Тек ғана ғылымға қатысты сөздер. Ал енді осы сөздерді тәңіршілдер өздері қолданады. Бұл сөздерді қолдансаң арабқұлы болдың ғой? Ұнамаса орнына басқа сөз тауып ал. Сендерден ғылымға қатысты не қалды?», - дейді тәңіршілдерге сұрақ қойған имам.