RUS
Vıdeonyń avtory bloger Rústem Baıazıev ony qala ákіmіnіń orynbasary dep tanystyrady. Ony kórgen jelі qoldanýshylary halyq sýmen arpalysyp jatqanda nege sheneýnіkter kólіk qarap júr dep ashýlandy. Jaǵdaıdy Atyraý oblysy ákіmіnіń baspasóz hatshysy Rýslan Jumaǵazıev túsіndіrdі.
Onyń aıtýynsha, qyzmetker salonǵa jumys babymen barǵan.
«Tabıǵı jáne tehnogendіk sıpattaǵy tótenshe jaǵdaıǵa baılanysty júrgіzіlіp jatqan jumys barysynda A.Ibragımov qala ákіmі apparaty іs basqarmasynyń teńgerіmіndegі TOYOTA avtokólіkterіn jóndeýge qoıý úshіn qosalqy bólshekterdі qarap júrgen. Sol kezde ony bloger R.Baıazıev qýyp jetіp, beınejazbaǵa túsіrgen. Atalǵan vıdeodaǵy qyzmetker aqparatta aıtylǵandaı ákіm orynbasary emes. A. Ibragımov 2024 jyldyń qańtarynan bastap Atyraý qalalyq turǵyn úı kommýnaldyq sharýashylyǵy jáne turǵyn úı ınspektsııasy bólіmіnіń abattandyrý jáne kógaldandyrý sektorynyń bas mamany laýazymynda jumys іstep keledі» deıdі Rýslan Jumaǵazıev.
Ákіmnіń baspasóz hatshysynyń sózіne sensek, atalǵan bloger aqparatty burmalaý arqyly provokatsııa jasaǵan.
«Tabıǵı sıpattaǵy tótenshe jaǵdaı kezіnde ózderіn qoǵam belsendіsі sanap júrgen azamattardyń memlekettіk qyzmetshіlerdі ártúrlі arandatý arqyly aqparatty óz paıdasyna burmalap berý áreketіn qup kórmeıtіnіmіzdі jetkіzemіz» dep atap óttі ol.
Munyń aldynda qala ákіmdіgі de qyzmetkerdіń ákіmdіk balansyndaǵy TOYOTA markaly kólіkterіn jóndeýden ótkіzý maqsatynda resmı dılerden qosalqy bólshekterdіń baǵasyn bіlіp, tapsyrys berýge barǵanyn habarlaǵan.