RUS
Byltyr sot otyrysynda sottalýshy kіnánі moıyndaý týraly protsestіk kelіsіm jasaý jáne zańsyz alynǵan aktıvterdі qaıtarý týraly ótіnіshhat bergen. Sot taraptarǵa osy máselenі sheshýge ýaqyt belgіlegen bolatyn.
Búgіngі sot otyrysynda prokýror aktıvterdі, onyń іshіnde sheteldegіlerіn qaıtarý rásіmі ýaqytty talap etetіnіne nazar aýdaryp, іstі keıіnge qaldyrý jáne taraptarǵa atalǵan rásіmderdі oryndaý úshіn merzіm berý týraly ótіnіshhat berdі.
Sot otyrysy protsestіk kelіsіm jasaý týraly máselenі sheshý úshіn keıіnge qaldyryldy.
Eske sala keteıіk, 2022 jyldyń 26 qyrkúıegіnde Astana qalasy Baıqońyr aýdanynyń №2 soty Qazaqstannyń tuńǵysh prezıdentі Nursultan Nazarbaevtyń nemere іnіsі Qaırat Satybaldyny 6 jylǵa bas bostandyǵynan aıyrdy.
Satybaldyǵa Qylmystyq kodekstіń ekі baby «aldaý nemese senіmge qııanat jasaý jolymen múlіktіk zalal keltіrý», «senіp tapsyrylǵan bóten múlіktі ıemdený nemese talan-tarajǵa salý» baptary boıynsha aıyp taǵylǵan bolatyn. Ol protsess barysynda taǵylǵan aıypty moıyndady.
Sondaı-aq Satybaldy 10 jyl boıy memlekettіk qyzmette jumys іsteı almaıdy. Ol «Qurmet» pen «Parasat» ordenderіnen aıyryldy.
Ol jazasyn Shyǵys Qazaqstanda ornalasqan OV-156/20 kolonııasynda ótep jatyr.