RUS
Telegram messendjerіnde vko_urpaq_bot júıesі jasaldy. Ol – balalar quqyǵynyń buzylýy jónіndegі aqparatty jınaýǵa, olarǵa jedel den qoıý jáne ótіnіsh berýshіlerge shuǵyl kómek kórsetýge arnalǵan avtomattandyrylǵan júıe.
Bottyń fýnktsıonaldyǵy ártúrlі formatta (foto, aýdıo, beıne, Word) túsken habarlamalardy óńdeýge múmkіndіk beredі.
Júıe arqyly kez kelgen eresek adam men bala shuǵyl kómek suraı alady nemese balalarǵa qaýіp tóndіretіn aqparatty (ashyq lıýkter, joldaǵy jaǵdaı, buralqy ıtter jáne t.b.) jіbere alady.
Búgіnde prokýratýra botty tanymal etý, oqýshylar, olardyń ata-analary men oqý oryndarynyń qyzmetkerlerі arasynda paıdalaný erejelerіn úıretý boıynsha jumys júrgіzіp jatyr. Telegram-bot qylmystyń jáne jaǵymsyz saldardyń aldyn alý alańy bolady dep senemіz. Ol úshіn zorlyq-zombylyqtyń nemese balalar quqyǵynyń kez kelgen buzylýyna kýá bolǵan barlyq azamatty bul týraly VKO_URPAQ_BOT chat-botyna habarlaýǵa shaqyramyz, – delіngen prokýratýra habarlamasynda.