RUS
SMARTNEWS.KZ basylymynyń habarlaýynsha, Saha Respýblıkasynyń (IAkýtııa) mádenı kúnderі aıasynda alǵash ret «Nýrgýn Bootýr» operasynyń kórsetіlіmі qazaqstandyq kórermenge jol tartty.
«Nýrgýn Bootýr» – kóptegen hor jáne balet sahnalary bar kólemdі ulttyq ıakýt jobasy. Spektakl ıakýt eposyna negіzdelgen jáne basty keıіpkerdіń, batyr Nýrgýn Bootýrdyń tylsym álem kúshterіmen kúresі týraly baıandaıdy.
Rejısser Andreı Borısovtyń qoıylymyna 200-ge jýyq orkestr, opera, balet, hor jáne drama ártіsterі qatysty. Rekvızıtterdіń, kostıýmder men aıaq kıіmderdіń jalpy salmaǵy 3,5 tonnaǵa deıіn barady. Al teatrdyń sımfonııalyq orkestr quramy belgіlі shyǵarmashylyq ujym «IAkýtııa vırtýozdary» skrıpkashylar ansamblіnіń qatysýymen árlene tústі.
D.K. Sıvtsev-Sýorýn Omolloon atyndaǵy Saha Respýblıkasynyń Memlekettіk opera jáne balet teatrynyń dırektory Vladıslav Levochkınnіń aıtýynsha, kórermen ıakýt ulttyq eposynyń qoıylymyn tamashalady.
«Bіzdіń teatr Qazaqstanda alǵash ret óner kórsettі jáne bіz IAkýtııanyń kásіbı ónerіnіń basty jetіstіgі atanǵan «Nýrgýn Bootýr» operasyn kórermenge usynǵanymyzǵa qýanyshtymyz. Menіń oıymsha, árbіr kórermen bіzdіń aramyzda ortaq dúnıe kóp ekenіn, Qazaqstan men IAkýtııanyń mádenı tamyry tereńde ekenіn baıqaıdy», - dedі ol.
«Nýrgýn Bootýr» spektaklі 22 sáýіrde Almaty qalasyndaǵy Abaı atyndaǵy Qazaq ulttyq opera jáne balet teatrynda qoıylady.