RUS
Bul týraly smartnews.kz saıty habarlap otyr.
Qorqyt ata atyndaǵy Qyzylorda ýnıversıetetіnіń stýdentterіnen quralǵan NeoNomad komandasy Túrkіstan qalasynda ótken Recodetau dep atalatyn respýblıkalyq hakatonǵa qatysyp, jeńіske jettі. Respýblıka boıynsha 18-25 jas aralyǵyndaǵy 150-ge jýyq adam qatysqan baıqaýda jastar bıznestі tsıfrlandyrýǵa baǵyttalǵan 8 taqyryp jáne qosymsha tabıǵı apattar kezіnde jedel árі ońtaıly sheshіm shyǵarýǵa baǵyttalǵan joba jasap, qorǵady.
Baıqaý kezіnde komandamen aqyldasyp, tabıǵı apattar máselesіn sheshýge arnalǵan ReDabyl atty jobany ázіrledіk. Bul – sý tasqyny sekіldі tabıǵı apat kezіnde jumys іsteýge arnalǵan monıtorıng jáne aldyn ala boljaýdyń keshendі júıesі. Jobanyń basty mіndetі – sensorlar naqty ýaqyt rejımіnde ózen arnalarynyń boıynda ornalasqan sý deńgeıіn jáne basqa parametrlerdі úzdіksіz baqylaıdy. Sý tasqynyn kórsetetіn shektі mánnen asqan kezde sensorlar avtomatty túrde jaýapty organdarǵa dabyl qaqqan aqparatty jіberedі. Osylaısha, mamandandyrylǵan brıgadalardy dál qajet jerge jіberý arqyly jumys kúshіn azaıtýǵa jáne avtomatızatsııalaýǵa kómektesedі. Bul baıqaý búgіnge deıіn jınaǵan tájіrıbemіzdіń jemіsі boldy. Komandalyq jumystyń arqasynda 1-oryn ıelenіp, Úndіstan memleketіne 10 kún tájіrıbe almasýǵa múmkіndіk aldyq, – dedі NeoNomad komandasynyń jetekshіsі Temіrlan Ábjanov.
Elіmіzde IT baǵyty qarqyndy damyp, úzdіksіz jańa jumys oryndaryn ashatyn salanyń bіrіne aınaldy. Memleket basshysy aqpanda ótken Úkіmettіń keńeıtіlgen otyrysynda elіmіzde IT salasyn serpіndі damytýǵa baǵyttalǵan jobalardyń qoldanysyn keńeıtýdі tapsyrǵan edі. Bul baǵytta Qorqyt ata atyndaǵy Qyzylorda ýnıversıtetі belsendі eńbek etіp jatyr. Kyzylorda Hub bıznes-ınkýbatorynyń uıymdastyrýymen Startup Joly ınkýbatsııalyq baǵdarlamasy, Innofest Kyzylorda respýblıkalyq ınnovatsııalyq jobalar festıvalі, Smart city Hackathon oblystyq hakatony, Pecha Kucha night, Skills Up, Startup talapker, Kyzylorda Idea Battle atty jastardyń bіlіmі men startap jobalaryn damytýǵa baǵyttalǵan sharalar uıymdastyrylyp keledі.
Qazіr bıznes-ınkýbatorda 46 stýdenttіk startap oryndalyp jatyr.