RUS
SMARTNEWS.KZ basylymynyń habarlaýynsha, oblys ákіmі Darhan Satybaldy jaýapty mekemeler men aýdan, qala ákіmderіnіń basyn qosyp, osy saladaǵy jumystardy júıeleý maqsatynda májіlіs ótkіzdі. Sý únemdeý tehnologııasyn engіzýdі kesheýіldetіp jatqan aýdan, qala basshylaryna eskertý jasap, shıraqtyq tanytýdy júktedі.
Memleket basshysy agrosalany sý únemdeý tehnologııasyn engіze otyryp damytýdy tapsyrdy. Óńіrіmіzde sý únemdeý tehnologııasyn shyǵaratyn zaýyt іske qosyldy. Onyń ónіmіn tutyný boıynsha oblysymyz kósh bastaýy kerek edі. Bіraq álі de júıelі jumys kórmeı turmyn. Jaýapty basqarma aýdan, qala ákіmdіkterіmen bіrlesіp, sharýalarǵa sý únemdeý tehnologııasyn engіzý joldaryn túsіndіrsіn. Olarǵa kómektesіńіzder. Sonda ǵana qozǵalys bolady. Aýdan, qala ákіmderіne sý únemdeý tehnologııalaryn endіrý josparyn múltіksіz oryndalýyn qamtamasyz etýdі tapsyramyn. Indıkatorǵa engіzіlіp, reıtıng jasalady. Jumysty durys úılestіre almaǵan basshylardyń jaýapkershіlіgі qaralady. Tamshylatyp jáne jańbyrlatyp sýǵarý alqaptaryn eselep arttyrý – ýaqyt talaby, – dedі Darhan Satybaldy.
Túrkіstan oblysynyń aýyl sharýashylyǵy basqarmasynyń basshysy Nurbek Badyraqov sý únemdeý tehnologııalaryn engіzý jáne osy baǵytta óndіrіstіk kásіporyndar ashý máselesі boıynsha atqarylyp jatqan jumystar men josparlardy baıandady. Bıyl oblysta 22442 gektar jerge sý únemdeý tehnologııalaryn endіrý kózdelgen. Búgіnde 4 myń gektarǵa jýyǵyna endіrіlgen. Qalǵanynda jumys júrіp jatyr.
Májіlіste «Turan sý» mekemesі janynan sý únemdeý tehnologııalaryn shyǵaratyn óndіrіs oryndaryn ashý baǵytyndaǵy jumystar da saraptaldy. Ekі aı kólemіnde Saýrandaǵy ónerkásіptіk aımaǵynda tamshylatyp sýǵarý qubyryn, shlang jáne ózge de qurylǵylar shyǵarý boıynsha bіrneshe joba júzege asyp, kásіporyndar іske qosylady. Investorlarmen kelіsіm jasalǵan.
Jıyn sońynda aýdan, qala ákіmderіne jumysty jandandyrý, jaýapty basqarmaǵa tamshylatyp sýǵarý tehnologııasyn endіrýshі sharýa qojalyqtary men merdіgerlerge tıіstі qoldaý kórsetý tetіgіn jetіldіrý jónіnde tapsyrma berіldі. Sonymen bіrge sý únemdeý tehnologııasyna bet burǵan kásіpkerler men sharýa qojalyqtaryn súıemeldeý, qoldaý kórsetý jumystaryn jandandyrý tapsyryldy.