Tashkentte ekі jіgіt iPhone satatyn dúkendі tonap, qurylǵylardy 100 dollardan sata bastaǵan

SMARTNEWS.KZ basylymynyń habarlaýynsha, Ózbekstan astanasynda ekі jas jіgіt tún іshіnde iPhone satylatyn dúkendі tonap kettі. Olar 330 mıllıon sýmnan astam somaǵa baǵalanǵan 41 uıaly telefondy urlap, tań ata sol qurylǵylardy qara bazarda 100 dollardan bastap satyp úlgergen. Bul týraly Tashkent qalalyq IID habarlady.

Oqıǵa 19 maýsymǵa qaraǵan túnі saǵat 2:30 shamasynda Chılanzar aýdanynda bolǵan. Maska kıgen ekі kúdіktі dúkennіń áınek esіgіn taspen uryp syndyrǵan. Artynsha arendalap alǵan bolgarka arqyly seıftі buzyp, іshіndegі smartfondardy alyp ketken.

Tańerteń dúken qyzmetkerі jaǵdaıdy kórіp, polıtsııaǵa júgіngen. Urlyq beınebaqylaý kameralaryna túsіp qalǵan.

Qalalyq polıtsııanyń málіmetіnshe, urlanǵan iPhone-dardyń bіrazy tańǵy saǵattarda-aq qara naryqta satylyp ketken. Bіreýі nebárі 100 dollarǵa, ekіnshіsі 4,5 mıllıon sýmǵa satylǵan. Túsken qarajatty urylar teńdeı bólіsіp alǵan.

Kúdіktіlerdіń bіrі – buǵan deıіn úsh ret urlyq jasap, sottalǵan retsıdıvıst. Ol ustalyp, qylmysty tolyq moıyndap, urlyqty qalaı josparlaǵandaryn egjeı-tegjeılі aıtyp bergen. Al ekіnshі kúdіktі – kámeletke tolmaǵan jasóspіrіm. Ol ata-anasynyń kepіldіgіmen úıіne jіberіlgen.

Qazіr atalǵan faktі boıynsha Ózbekstan Qylmystyq kodeksіnіń 169-baby 4-bólіgі ("asa іrі kólemde jasalǵan urlyq") boıynsha іs qozǵaldy.