RUS
SMARTNEWS.KZ basylymynyń habarlaýynsha, Pavlodarda 41 jastaǵy er adam burynǵy azamattyq nekedegі áıelіn qasaqana kólіkpen qaǵyp, múgedek qylǵany úshіn 8 jylǵa bas bostandyǵynan aıyryldy. Bul týraly oblystyq Qylmystyq іster jónіndegі mamandandyrylǵan aýdanaralyq soty málіmdedі.
Oqıǵa 2025 jyldyń qańtarynda bolǵan. Is materıaldaryna sáıkes, erlі-zaıyptylar tamaq pavılonyna bara jatqan jolda janjaldasyp qalǵan. Sol sátte áıel kólіkten túsіp, pavılonǵa qaraı júgіrіp ketken. Artynan er adam kólіktі oǵan qasaqana baǵyttap, qaǵyp ótken.
Nátıjesіnde áıeldіń bіr aıaǵy kesіlіp, bіrneshe aı boıy tósek tartyp qalǵan.
Sottalýshy kіnásіn moıyndady, alaıda qorǵaýshy tarap kólіktіń tehnıkalyq aqaýy bolǵanyn alǵa tartqan. Alaıda sot saraptamasy kólіktіń tolyq jaramdy ekenіn anyqtady.
"Beınejazbada kólіktіń áıelge qaraı ádeıі burylǵany anyq kórіnedі. Soqqydan keıіn ol áıeldіń jaǵdaıyna mán bermeı, kólіktі tekserýge asyqqan", – dedі sýdıa Qudabaı Soltanov.
Sot sheshіmіmen er adam Qylmystyq kodekstіń 24-baby 3-bólіgі ("Qylmysqa oqtalý") jáne 99-baby 1-bólіgі("Adam óltіrýge oqtalý") boıynsha kіnálі dep tanyldy.
Sot jábіrlenýshі áıeldіń ótemaqy talaptaryn іshіnara qanaǵattandyrdy:
-
1 212 160 teńge – materıaldyq zııan;
-
15 mln teńge – moraldyq ótemaqy óndіrіletіn boldy.
Sot úkіmі zańdy kúshіne álі engen joq.