RUS
SMARTNEWS.KZ basylymynyń habarlaýynsha, áleýmettіk jelіde qoǵamdyq kólіkte er adamnyń qazaqstandyq arýdyń syrt kelbetіne orynsyz eskertý jasaǵany jaıly vıdeo tarady. Vıdeo medina_akimatovskaya esіmdі qoldanýshynyń paraqshasynda jarııalanǵan.
Kadrdan er adamnyń boıjetkennіń moınyndaǵy tatýırovkaǵa shúılіgіp, ony "túrmeden shyqqan adamǵa" teńegenі baıqalady.
"Myna tatýırovka unamaı tur. Bárі senen qorqyp ketken sııaqty. Shoshyp kettіm. Túrіń túrmeden shyqqan adam sııaqty. Kіmge kerek bul? Elýge kelgende ókіnesіń", – dep pіkіr bіldіrgen er adam.
Alaıda boıjetken sabyr saqtap, jaýap qaıtarady:
"Bul – menіń tatýym. Bul jaı ǵana sýret. Bul sіzge arnalmaǵan. 50 jasqa kelgende sіz bul ómіrde bolmaýyńyz da múmkіn", – deıdі ol.
Bul jaǵdaı áleýmettіk jelіde keńіnen talqylanyp, qoldanýshylar er adamnyń áreketіn óreskel jáne ádepsіz dep baǵalady.
Stan.kz tіlshіsіne pіkіr bіldіrgen zańger Dılnaz Muhamedova mundaı árekettіń jeke ómіrge qol suǵý ekenіn aıtyp, zań aıasynda jaýapkershіlіk qarastyrylǵanyn jetkіzdі.
"Qoǵamdyq kólіkte qyzdyń syrt kelbetіne qatysty eskertý aıtqan er adamnyń áreketі – zańsyz. Konstıtýtsııa boıynsha ár adamnyń jeke ómіrіne qol suǵýǵa bolmaıdy. Syrt kelbet, tatýırovka, shash túsі – adamnyń jeke іsі", – dedі zańger.
Onyń aıtýynsha, mundaı sózder moraldyq qysym retіnde baǵalanyp, Qylmystyq kodekstіń 131-baby (Qorlaý) nemese ÁQBtK-nіń 73-3-baby (Usaq buzaqylyq) boıynsha jaýapqa tartylýy múmkіn.