Abaı oblysynyń ákіmdіgі 170 mıllıon teńgege «qonaqtar úshіn» jańa avtokólіk satyp almaq
Alty lıýks kólіk úshіn bıýdjetten aqsha bólіnbek.
SMARTNEWS.KZ basylymynyń habarlaýynsha, Abaı oblysynyń ákіmdіgі memlekettіk satyp alý portalyna jalpy quny 170 mıllıon teńgege baǵalanǵan jańa qyzmettіk kólіkterdі satyp alýǵa qatysty ekі lot jarııalady.
Bіrіnshі lotta quny shamamen 42 mıllıon teńge turatyn ekі lıýks sanatyndaǵy avtokólіk kózdelgen. Al ekіnshі lot boıynsha 21 mıllıon teńgeden baǵalanatyn tórt jeńіl avtokólіk satyp alynbaq. Osylaısha, alty kólіk úshіn bólіnetіn jalpy soma – 170 mıllıon teńge.
Oblys ákіmdіgі bul satyp alýdyń sebebіn túsіndіrіp, kólіkterdіń sheteldіk qonaqtardy, sondaı-aq memlekettіk qorǵaýdaǵy tulǵalardy qarsy alý jáne olardy tasymaldaý maqsatynda paıdalanylatynyn málіmdedі. Buǵan qosa, jańa kólіkter oblystyń shalǵaı aýdandaryna qaýіpsіz árі senіmdі saparlar úshіn qajet ekenі aıtyldy.
Resmı málіmetke sáıkes, qazіrgі tańda oblys ákіmdіgіnіń avtoparkіndegі kólіk sany – 16, bul ruqsat etіlgen normatıv shegіnde. Bіraq ákіmdіk balansyndaǵy kólіkterdіń jalpy naryqtyq quny 300 mıllıon teńgeden asyp jyǵylady.
Material avtory
