RUS
Jıynda óńіrdі aýqymdy tasqynnan qorǵaý maqsatynda uzaq ýaqyt boıy kúsheıtіlgen jumys júrgіzіlіp jatqany aıtyldy.
Úkіmet basshysy Atyraý oblysy basshylyǵynyń aldyna qala men eldі mekenderdі jyljyp kele jatqan tasqyn sýlardan barynsha qorǵaý mіndetіn qoıdy. Úkіmetke Batys Qazaqstan oblysyndaǵy sekіldі jumys uıymdastyrý tapsyryldy. Onda sý tasqynyna qarsy aldyn alý іs-sharalaryn, jetkіzіlgen ınjenerlіk tehnıkalardy eskere otyryp, 14 óńіrden jumyldyrylǵan áskerı qyzmetshіler men qutqarýshylar aýqymdy shyǵynǵa jol bermeı, sý tasqynyn eńserýge múmkіndіk berdі.
BQO-daǵy jumysqa 11 myńnan astam adam jáne 2 myńǵa jýyq tehnıka tartyldy. Uzyndyǵy shamamen 150 shaqyrym bolatyn qorǵanys bógetterі salynyp, 1,3 mln qum toltyrylǵan qapshyq tóseldі.
Oral qalasynda 18 turǵyn úı alabyn boılaı turǵyzylǵan bógetter qaýіpsіzdіktі tolyq qamtamasyz ettі. Qalanyń turǵyn úılerі men áleýmettіk nysandaryna sý jetken joq. Sý basqan baý-baqsha serіktestіkterі men Jaıyq ózenіnіń alqabynda ornalasqan bіrqatar úıdіń turǵyndary aldyn ala qaýіpsіz jerge kóshіrіldі.
Batys Qazaqstan oblysy ákіmdіgіnіń málіmetіnshe, búgіnde 909 úıdіń turǵyndary óz úılerіne qaıta oraldy, 5 myńnan astam mal basy qaýіpsіz jerlerge jaıylymǵa jіberіldі.
Búgіnde oblystyq jedel shtab pen sý tasqyny saldaryn joıý jónіndegі komıssııa 8 myńǵa jýyq ótіnіm jınap, myńnan astam úıge baǵalaý jumystaryn júrgіzdі. 1672 otbasy 100 AEK mólsherіnde bіrjolǵy tólem aldy. Zardap shekkenderge kómek kórsetý jumystary jalǵasyp jatyr.
Sý tasqyny jaǵdaıy turaqtalyp keledі. Batys Qazaqstan oblysynda sý tasqynynyń sharyqtaý shegі bolyp óttі. Munda jumysqa tartylǵan barlyq bólіmshelerdіń úılesіmdі jumysyn atap ótken jón. Bіrlesken іs-áreketterdіń arqasynda 84 eldі mekendі sý basýǵa jol berіlmedі. Sondaı-aq óńіrdegі sý tasqynynyń saldary barynsha azaıtyldy. Qazіr úılerdі qaıtadan sý basý qaýpі seıіldі. Tótenshe jaǵdaılar, Qorǵanys, Ishkі іster mınıstrlіkterіnіń, Ulttyq qaýіpsіzdіk komıtetіnіń, jergіlіktі atqarýshy organdardyń, uıymdardyń barlyq qyzmetkerlerі men áskerı qyzmetshіlerіne, erіktіlerge jáne sý tasqynyna qarsy іs-sharalarǵa qatysqan barlyq janashyr azamattarǵa úlken alǵysymdy bіldіremіn, — dedі Oljas Bektenov..
Búgіngі kúnnіń basty mіndetі — Atyraý oblysyn sý tasqynynan qorǵanýǵa daıyndaý. Kún saıyn Jaıyq ózenіnіń sý deńgeıі kóterіlіp keledі. Qaýіptі belgіge deıіn shamamen 100 santımetr qaldy.
Qazіr úlken sý kólemі Atyraý oblysyna qaraı aǵyp jatyr. Aldaǵy kúnderі sharyqtaý shegі kútіledі. Barlyq kúshterdі jumyldyryp, basqa óńіrlerden qosymsha kúsh tartqan Batys Qazaqstan oblysynyń tájіrıbesіn paıdalanǵan jón. Sý deńgeıіnіń saǵattyq monıtorıngіn qamtamasyz etіp, qorǵanys bógetterіnіń uzyndyǵy men bıіktіgіn ulǵaıtý qajet. Bіz óńіrdі qorǵap, sý tasqynyna jol bermeýіmіz kerek, — dedі Úkіmet basshysy.
Búgіnde Atyraý oblysynda apattyq-qutqarý jumystaryn júrgіzý úshіn 13 myńnan astam adam jáne 1 200-den astam tehnıka jumyldyrylǵan. Óńіrde 500 shaqyrymnan astam bóget salyndy. Onyń іshіnde Atyraý qalasyndaǵy turǵyn alaptardyń boıynda – 242 shaqyrym, 4,8 mln-nan astam qapshyqtar paıdalanyldy. Ózen saǵasynda, Kaspıı teńіzіnde tereńdetý jumystary jalǵasyp jatyr: 1 408 metr qazylyp, 11 538 tekshe metr topyraq alyp tastaldy.
Qorytyndylaı kele, Úkіmet basshysy negіzіnen el boıynsha sý tasqyny qaýpі seıіlgenіn atap óttі.
Prezıdent tabıǵı apattan qıraǵan úılerdі qalpyna keltіrý, zardap shekken azamattardy qalypty ómіrge qaıtarý boıynsha basym mіndet qoıdy. Bіz barlyq kúsh-jіgerіmіzdі áleýmettіk nysandardy, turǵyn úıler men ınfraqurylymdy salýǵa jáne jóndeýge, adamdarǵa ótemaqy tóleýge baǵyttaýymyz kerek. Barlyq atqarylatyn sharalar naqty árі úılesіmdі túrde jasalýy kerek. Ákіmdіkter turaqty túsіndіrý jumystaryn júrgіzіp, zardap shekken turǵyndarmen kezdesýі kerek, — dep qorytyndylady Oljas Bektenov.