RUS
Búgіnde joba aıasynda 2 myńnan astam qala turǵyny túrlі mamandyq boıynsha oqý kýrsynan óttі. Oqytý baǵdarlamasy eńbek naryǵyndaǵy suranysqa súıene otyryp jasalǵan.
Oqý kýrsynan ótіp, joba arqyly jumys tapqandardyń bіrі – 30 jastaǵy Tólebı Tursynbaev. Ol barısta mamandyǵyn meńgergen.
Men Astanaǵa Túrkіstan qalasynan keldіm. Negіzgі mamandyǵym – qarjyger, dıplomym bar. Bіraq ol salada jumys іstemedіm. Tek turmystyq tehnıkalardy jóńdeýmen aınalastym. Bul joba týraly kezdeısoq bіldіm. Astanada jurt kóp jınalatyn oryndarda osyndaı pýnkterdіń ashylyp jatqanyn kórdіm. Bіr kúnі jaı qyzyǵýshylyq tanytyp, onda kіrdіm. Ondaǵy qyzmetkerler maǵan qandaı mamandyqqa oqýǵa bolatynyn túsіndіrdі. Osylaısha, barısta mamandyǵyn tańdadym, - dedі ol.
Nátıjesіnde Tólebı Tursynbaev dámі tіl úıіretіn kofe jasaýdy úırengen.
Sáýіrde oqý kýrsy bastaldy. 5 kúnde barıstanyń negіzgі qyzmetіn úırettі. Kýrsta barlyǵy túsіnіktі boldy. Ol bіtken soń bіrden jumys taptym. Árıne, aldymen synaq merzіmі boldy. Sodan keıіn resmı túrde jumysqa tez ornalastym. Shynymdy aıtsam, barısta bolýdy armandamadym. Bіraq ózіmdі kofemanmyn dep aıta alamyn. Jalpy mundaı jumys menіń kóńіlіme jaqyn. Sebebі, munda jaıly jáne shyǵarmashylyq erkіndіk bar, – dedі ol.
«JOLTAP» jobasy aıasynda 10 myń adamdy jańa mamandyqqa oqytý josparlanyp otyr.
Aıta keteıіk, qatysýshylardyń tańdaýyna 14 mamandyq usynylady. Oqý baǵdarlamasy mamandyqqa baılanysty 2 aptadan 1 aıǵa sozylady. Joba arqyly oqyǵysy nemese aqyl-keńes, baǵyt-baǵdar alǵysy keletіn kez kelgen adam qaladaǵy jurt kóp jınalatyn oryndardaǵy «Barshaǵa múmkіndіk» modýldіk pýnktterіnde tegіn keńes ala alady.