RUS
Prezıdentke «Qazposhta» aktsıonerlіk qoǵamynyń byltyr atqarǵan qyzmetіnіń nátıjesі jáne kompanııanyń qazіrgі qarjylyq jaǵdaıy jónіnde málіmet berіldі. Ásel Janasovanyń aıtýynsha, kompanııa sońǵy 5 jylda alǵash ret 2,4 mıllıard teńge kólemіnde paıda taýyp, aktsıonerge 1,5 mıllıard teńge dıvıdend tólegen. Salyq aýdarymdary men baj alymdarynyń jalpy kólemі 32,7 mıllıard teńgenі qurady.
Qasym-Jomart Toqaevqa byltyr «Qazposhta» arqyly jetkіzіletіn sálemdemelerdіń sany 35 paıyzǵa kóbeıіp, olardy el aýmaǵynda jetkіzý jyldamdaǵy ekі ese artqany týraly baıandaldy.
Memleket basshysyna «Qazposhta» aktsıonerlіk qoǵamy men YTO Express Group kompanııasy arasynda serіktestіk qatynas ornaǵany jaıynda aıtyldy.
«Qazposhta» Almatyda aýdany shamamen 40 myń sharshy metr bolatyn «A» sanatyndaǵy joǵary tehnologııalyq qoıma salýǵa nıettі. Nysan Eýrazııa keńіstіgіnde negіzgі tranzıt torabyna aınalýǵa tıіs árі Qytaıdan EýroOdaq, Eýrazııalyq ekonomıkalyq odaq jáne Ortalyq Azııa baǵyttary boıynsha Qazaqstannyń júk ótkіzý áleýetіn arttyrýǵa yqpal etedі.
Sonymen qatar Prezıdentke otandyq kompanııanyń el aýmaǵyndaǵy ınfraqurylymy men bólіmsheler jelіsіnіń qazіrgі jaı-kúıі tanystyryldy.
Kezdesý sońynda Qasym-Jomart Toqaev «Qazposhta» aktsıonerlіk qoǵamynyń qarjylyq jaǵdaıyn jaqsartý jáne logıstıkalyq áleýetіn arttyrý jumystaryn jalǵastyrýdy tapsyrdy.