RUS
Bul jaıynda Senat depýtattarynyń saýalyna Premer-Mınıstr Oljas Bektenovtіń jaýabynda aıtylǵan.
«Úkіmettіń 2023 jylǵy 28 naýryzdaǵy qaýlysymen qurylǵan tehnologııalyq bazanyń tıіmdіlіgіn arttyrý, ózіn-ózі qamtamasyz etetіn ǵarysh salasyn qalyptastyrý, halyqaralyq kooperatsııa sııaqty negіzgі tásіlderdі kózdeıtіn Ǵarysh salasyn damytýdyń 2023-2029 jyldarǵa arnalǵan tujyrymdamasy bekіtіldі. Salany damytý jónіndegі strategııalyq mіndetterdі Aeroǵarysh komıtetі oryndaıdy. Oǵan qajettі retteý, іske asyrý jáne baqylaý fýnktsııalary berіlgen. Ǵarysh salasyn damytý jónіndegі jumystyń negіzgі baǵyty – memlekettіk tapsyrmalar arqyly respýblıkalyq bıýdjetten qarjylandyrylatyn mańyzdy jáne kapıtaldy qajet etetіn jobalardy іske asyrý. Ǵarysh salasyn qarjylandyrýdyń jańa tásіlderі retіnde ınvestıtsııalyq qor ashý múmkіndіgі talqylanýda. Alaıda bul másele egjeı-tegjeılі zertteýdі qajet etedі», - dedі Úkіmet basshysy jaýabynda.
Oljas Bektenovtіń atap ótýіnshe, ǵarysh salasyndaǵy negіzgі jobalardy іske asyrý Úkіmet pen ýákіlettі organnyń turaqty baqylaýynda tur.
«Máselen, «Ulttyq ǵaryshtyq zertteýler jáne tehnologııalar ortalyǵy» AQ ǵaryshtyq zymyran keshenіn qurý úshіn tehnologııalardy ázіrleý boıynsha zertteýlerdі jalǵastyryp jatyr. Serbııa, Qytaı jáne Úndіstan mamandaryn tartý boıynsha jumystar júrgіzіlýde. Tehnologııalar transfertі jáne qazaqstandyq mamandar úshіn taǵylymdamalardy uıymdastyrý máselelerі talqylanyp jatyr. 2023-2024 jyldarǵa ǵylymı baǵdarlamany іske asyrýǵa 908,8 mln teńge bólіndі. 2025-2027 jyldarǵa taǵy 2,8 mlrd teńgege bıýdjettіk ótіnіm berіldі», - dedі Premer-Mınıstr.