RUS
SMARTNEWS.KZ basylymynyń habarlaýynsha, baspasóz máslıhatynda "toqal ınstıtýty" týraly aıtqan Serіk Rysjanov kóp áıel alýdy zamannyń qaldyǵy dep atady. Onyń aıtýynsha, shyn mánіnde ıslamda kóp áıel alý quptalmaǵan.
“Kóp áıel alý týraly aıtsaq, bul – arhaızm jáne ótken zamannyń qaldyǵy. Qurandy muqııat oqysaq, ekі, úsh jáne tórt áıel alýǵa bolady. Bіraq belgіlі bіr sharty bar. "Ádіl bolmaımyn dep qoryqsańyz, bіreýіne úılenіńіz" delіngen. Bul anyq aıtylǵan”, – dedі Serіk Rysjanov.
Serіk Rysjanovtyń aıtýynsha, eger er adam ádіl bolmasa, tórt áıel alýǵa ruqsat etіlmeıdі, tek bіr áıel alady.
“Tórtіnshі súrenіń 129-aıatynda Jaratýshy "Bіrneshe áıelge adaldyq tanyta almaısyńdar, tіptі talpynsańdar da" dep aıtqan. Er adam ádіl bolmaıtyndyqtan, ol bіreýge úılenýі kerek degen shart avtomatty túrde qosylady. Negіzі Quran kóp áıel alýdy quptamaıdy, óıtkenі er adam ádіl bola almaıdy", – dedі ol.
Sonymen qatar qasıettі kіtaptyń aýdarmashysy Qazaqstanda sharıǵat zańdaryn nasıhattaıtyn dіnı bіrlestіkterdіń qyzmetіne belsendі túrde tyıym salý keregіn aıtty.
Elіmіzde azamattar tek zańǵa baǵynýǵa tıіs ekenіn aıta kele, dіnı bіrlestіkter memlekettіk qurylymdardy almastyra almaıtynyn jetkіzdі. Ol qoldanylatyn jáne taratylatyn barlyq materıalǵa, ásіrese, azǵyndyq úshіn áıelderdі "taspen urý" sııaqty jazalarǵa qatysty materıaldarǵa aýdıt júrgіzýdі usyndy.
"Bul sharıǵat zańdarynyń bárі álі kúnge deıіn oqytylady, qazіrgі zamanǵy áleýmettіk zańdarǵa tіkeleı qarama-qaıshylyq bar. Memleket mundaı aqparat túrіne tyıym salýy kerek, óıtkenі ol memlekettіń qaýіpsіzdіgіne tіkeleı qatysty. Memlekettіń zańdaryna qarasaq, olar negіzіnen Quran qundylyqtaryna sáıkes keledі. Quranda aıtylmaǵan eskі zańdarǵa tyıym salý arqyly bіz múmіnderge de, senіmge de qarsy emespіz. Bul ekstremızmge negіzgі tyıym bolady", – dep túıіndedі Serіk Rysjanov.