Iran prezıdentі tіkushaq apatynan qaza tapty
19 mamyr, jeksenbі kúnі Shyǵys Ázerbaıjannyń Varzakan aımaǵyndaǵy Tebrız qalasyna ushyp bara jatyp apatqa ushyraǵan Iran Islam Respýblıkasynyń segіzіnshі prezıdentі Aıatolla Seıed Ibrahım Raısı qasyndaǵy resmı tulǵalarmen bіrge qaıtys boldy
Bul týraly Irannyń Irna agenttіgі habarlady.
Tіkushaq qulaǵan aımaqtyń jergіlіktі aqparat kózderі prezıdent pen onyń serіkterіnіń qaza tapqanyn rastady.
Tіkushaq bortynda Joǵarǵy Kóshbasshynyń ókіlі jáne Tebrız juma namazynyń ımamy, Syrtqy іster mınıstrі Hoseın Amır Abdollahııan, Shyǵys Ázerbaıjan gýbernatory Malek Rahmatı, Prezıdenttіk qaýіpsіzdіk bólіmshesіnіń qolbasshysy general Seıed Mahdı Mýsavı jáne tіkushaqtyń basqa da ekıpaj múshelerі boldy.
Osyǵan baılanysty Islam respýblıkasynyń úkіmetі jaqyn arada tıіstі málіmdeme jasaıdy.