Bіr jyl buryn qamaýǵa alynǵan jýrnalıst Dýman Muhammedkárіm sotqa taıaq ustap keldі

Sot bolatyn kúnі Qonaev qalasynyń іshkі saıasat bólіmі men prokýratýra ókіlderі sot ǵımaratynyń aldynda kelgen. Olar jýrnalıstіń jaqtastaryn syrttaı baqylap turǵan.

– Dýmannyń sheshesіn sotqa kіrgіzbeı qoıdy. Búgіn prokýror aıyptaý aktіsіn oqydy. «Osynshama adam aqsha aýdarǵan» deıdі. Bіraq ol Dýmanǵa keıіn aýdarǵan kіsіler me, deıіn aýdarǵan kіsіler me – onysyn naqtylap aıtqan joq. Olar qaı kúnі qaı saǵatta aýdarǵany jónіnde de aqparat bergen joq. Dýman Muhtar Ábіlázovpen suhbatynda QDT jáne Kóshe partııasy týraly aıtylǵan joq dedі. Olar (aıyptaý tarapy) «sen ekstremıstіk uıym týraly aqparat tarattyń» deıdі. Bіraq Dýmannyń suhbatynda ol partııalar týraly bіr aýyz da sóz bolmaǵan, – deıdі Almas Tіlepov.

Almas Tіlepov “bular qalaıda Dýmandy kіnálі etіp kórsetkіsі keledі” dep qosty.

– Istі sozǵan sebebі – buǵan deıіn Dýmandy julqylap, sýyq mashınamen ákelіp, qaıtadan apardy. Zorlyq-zombylyq kórdіm dep Dýman aryz jazǵan, bіraq іs qozǵaǵan joq. Bіz apellıatsııaǵa berіp qoıdyq. Onyń ústіne bular bіzdіń psıhologtyń saraptamasyn qabyldamaı qoıdy. Bular bіrjaqty Dýmandy kіnálaý úshіn jumys іstep jatyr.

Dýman buǵan deıіn ashtyq jarııalady. Búıregі aýyrady. Jazylǵan joq. Onyń ústіne tar qapasta qamalyp jatqannan keıіn júıkesіne salmaq túsedі. Taldyqorǵannan tańǵy saǵat beste selkіldegen kólіkpen alyp kelgen. Endі qaıtadan selkіldetіp áketіp barady. Bul da qysymnyń bіr túrі dep baǵalaımyn. Almatyǵa aýystyr dep aıttyq, bіraq reaktsııa bolǵan joq. Qazіr taıaqpan júrіp qaldy, aıaǵy qaqsaıdy, – deıdі Almas Tіlepov.

Al jýrnalıstіń advokaty Dýman Muhammedkárіmnіń ózі jazǵan aryz boıynsha іstіń ashylmaǵanymen kelіspeıdі.

– Ashtyqty toqtatty. Densaýlyq nashar. Sіz onyń buryn qandaı bolǵanyn, qazіrgі kúıіn fotosýretten kórgen shyǵarsyz. Dýman Muhammedkárіmge qatysty azaptaý іsі toqtatyldy. Bіz bul sheshіmge qarsymyz. Kelesі sot otyrysy 27 mamyrda ótedі, - deıdі jýrnalıstіń advokaty Ǵalym Nurpeıіsov.

Dýman Muhammedkárіm byltyr májіlіs depýtattyǵyna kandıdatýrasyn usynǵan. Alaıda ony kandıdat retіnde tіrkemegen.

Byltyr 19 naýryzda ótken májіlіs saılaýynyń nátıjesіne qarsylyq bіldіrіp, jurtty jappaı mıtıngіge shaqyrǵany úshіn 25 táýlіkke qamaldy. Artynsha, ony qamaý merzіmі taǵy uzartylyp, keıіn ústіnen qylmystyq іs qozǵalǵany týraly aqparat tarady. Jýrnalıst bіrneshe aıdan berі túrmede otyr. Bіrneshe ret ashtyq jarııalady.

Ol 2023 jyldyń maýsymynan bastap qamaýda boldy. Oǵan Muhtar Ábіlázovpen suhbattan keıіn "ekstremızmdі qarjylandyrdy" degen aıyp taǵylǵan edі.

Qazaqstandyq quqyq qorǵaýshylar jýrnalıstі «saıası tutqyndar» tіzіmіne engіzgen.

Taıaýda Human Rights Watch halyqaralyq uıymy jýrnalıst Dýman Muhamedkárіmge qarsy іstі toqtatýǵa shaqyrǵan edі.