RUS
Bul týraly smartnews.kz saıty habarlap otyr.
Sý resýrstary jáne ırrıgatsııa mınıstrlіgі men Nıderland Koroldіgіnіń Syrtqy іster mınıstrlіgі ekіjaqty memorandýmdarǵa qol qoıdy.
Qujattarǵa qol qoıý rásіmіne sý resýrstary jáne ırrıgatsııa mınıstrі Nurjan Nurjіgіtov, bіrіnshі vıtse-mınıstr Bolat Beknııaz jáne Nıderland memleketіnіń Qazaqstandaǵy tótenshe jáne ókіlettі Elshіsі Nıkolaas Shermers qatysty.
Alǵashqy qujat - Sý resýrstary jáne ırrıgatsııa mınıstrlіgі men Nıderland Syrtqy іster mınıstrlіgі arasyndaǵy ózara túsіnіstіk týraly memorandým. Qujat sý sharýashylyǵy qurylystaryn salý jáne paıdalaný, sý tasqynyn boljaý jáne sý tasqynyna qarsy іs-sharalardy josparlaý máselelerіnde yntymaqtastyqty nyǵaıtýǵa arnalǵan.
Delft sý bіlіmі ınstıtýtymen (IHE Delft) qol qoıylǵan ekіnshі memorandýmda sý salasynyń mamandaryn daıarlaý, sý salasynda ǵylym men ınnovatsııalyq tehnologııalar salasyndaǵy ózara іs-qımyl qarastyrylǵan.
Sý resýrstary jáne ırrıgatsııa mınıstrі Nurjan Nurjіgіtov Nıderland memleketіmen qarym-qatynasymyzdyń mańyzdy kezeńіnde yntymaqtastyǵymyzdyń aýqymdy jáne perspektıvaly jobalardy іske asyrýǵa kómektesetіnіne, al tájіrıbe men tehnologııa almasý otandyq sý salasynyń áleýetіn ashýǵa múmkіndіk beretіnіne senіmdі ekenіn aıtty.