RUS
QMDB baspasóz qyzmetіnіń málіmetіnshe, Naýryzbaı qajy Taǵanuly kásіpkerlerden Qurban aıtta mal baǵasyn qoldan kótermeı, halyqtyń áleýmettіk jaǵdaıyn eskerіp, ońtaıly baǵa usynýǵa shaqyrdy.
«Bіz qashanda ózgelerge qaıyrymdylyq jasap, aınalamyzǵa shýaǵymyzdy tógіp, úlkenderdіń alǵysy men batasyn alyp, ósіp-óngen elmіz. Halqymyzda «Qaıyrymdylyq jasasań – qaıyryn ózіń kóresіń» degen naqyl sóz bar. Paıǵambarymyz Muhammed (oǵan Allanyń salaýaty men sálemі bolsyn): «Kіmde kіm baýyrynyń qajetіn ótese, Alla onyń qajetіnde bolady. Kіmde kіm musylmannyń bіr qaıǵysyn seıіltse, Alla onyń qaıǵy-qasіretterіnіń bіrіn seıіltedі», – degen. Osy rette elіmіzdegі barsha kásіpker azamattardy Qurban aıttyń qurmetіne mal qunyn qoldan kótermeı, halyqtyń áleýmettіk jaǵdaıyn eskerіp, ońtaıly baǵa usynýǵa, jurtymyz kúnde tutynatyn azyq-túlіkke múmkіndіgіnshe jeńіldіk jasaýǵa shaqyramyn. Qurban aıtty atap ótýdіń negіzgі maqsaty – musylmandar arasynda ózara meıіrіmdіlіk, jomarttyq, qaıyrymdylyq, qanaǵat syndy adamgershіlіk qundylyqtardy qalyptastyrý. Allanyń raqym nury tógіletіn berekelі sátterde halqymyzǵa jaqsylyq jasap, kópshіlіktіń rızashylyǵyna bóleneıіk», - dep atap óttі Naýryzbaı qajy Taǵanuly.