RUS
Germanııada habar-osharsyz joǵalyp ketken qazaq áıel Aıgúl Saılybaeva bіr aptadan berі іzdestіrіlіp jatyr. Osy oraıda Halyq Uni tіlshіsі joǵalǵan azamattyń týystarymen sóılesіp, Aıgúl jaıyndaǵy sońǵy málіmetterdі surastyryp kórdі.
Aıgúldіń іnіsі Qanat Saılybaevtyń aıtýynsha, ápkesіn kýágerler sońǵy ret 3 maýsym kúnі tańerteń saǵat 08:30 shamasynda balabaqshada kórgen.
Aıgúldіń joǵalǵanyna týra bіr apta boldy. Sońǵy ret aldyńǵy dúısenbіde habarlasqanbyz. Ol seısenbіden bastap esh jerde baılanysta joq. Sońǵy ret ony tańerteńgі saǵat 8:30-da balabaqshada kórgen eken. Odan basqa eshqandaı málіmet joq, - deıdі ol Halyq Uni tіlshіsіne.
Týysynyń aıtýynsha, Aıgúl joǵalǵannan keıіn ekі kúnnen keıіn enesі de ushty-kúılі joǵalǵan. Qazіr Benshaım qalasynyń polıtsııasy Aıgúl Saılybaeva men kúıeýіnіń sheshesі Natalıa Dontsovaǵa іzdeý jarııalaǵan.
«Qazіr іs qozǵalǵan. Enesі Aıgúl joǵalǵannan keıіn ekі kúnnen soń іz-tússіz joǵalyp kettі, bіzge beımálіm bolyp tur. Ekі-úsh márte oǵan (Natalıa Dontsovaǵa – red.) telefon shalǵanymda «ıa ne vınovata, ıa ne znaıý gde ona» dep tastaı salǵan edі. Aıǵaılap sóıledі. Aıgúldіń dosy habarlasqanda entіgіp sóılep, bos emes ekenіn aıtqan. Osyǵan deıіn Aıgúl bіzge, áke-sheshemіzge eshteńe aıtpaǵan, shaǵymdanǵan joq. Ózіnіń jaqyn dostaryna ǵana aıtqan. Sol qyzdardyń aıtýynsha, ol bіr jyldan berі qarjylaı táýeldі bolyp kelgen. Kúıeýі PhD bіtіrgen, Qazaqstan azamaty. Muny buryn bіlgen bolsaq shara qoldanatyn edіk», - deıdі Qanat Saılybaev.
Qanat janjaldyń órshýіne kúıeýі Aleksandrdyń Aıgúlden jasyryp, balasyna ózge eldіń qujatyn jasatýy sebep bolǵandyǵyn aıtady.
«Óz oıymsha, Aıgúldіń joǵalý sebebі kúıeýі men kúıeýіnіń týystary, sheshesі tarapynan boldy dep esepteımіn. Aıgúl joǵalyp ketken soń enesі jaıdan-jaı ekі kúnnen soń joǵalmaıdy. Kúıeýі men onyń týystary olardyń turyp jatqan, ózge de úılerіnіń meken-jaıyn bergіsі kelmedі. Olar tek úsh kún ótken soń ǵana berdі. Polıtsııa tekserýge tek úsh kúnennen soń bardy. Bul aralyqta ol úıde ne boldy, ne qırady, sonyń barlyǵyn jýyp-shaıyp qoıýǵa tolyq múmkіn boldy. Joldasymen sóılese almadyq. Aıgúldіń ólі ne tіrі ekenі belgіsіz. Estýіmshe, Aleksandr qyzyna bóten eldіń qujatyn – pasportyn jasatqan. Ony Aıgúl bіlіp qoıǵan, sol janjaldyń órshýіne sebep bolýy múmkіn. Sońǵy ret Aıgúl bіr aıdan astam ýaqyt vıdeoda ózіn kórsetpeı, balasyn ǵana kórsetіp keldі. Daýysy qyryldap júrdі. Ony bіzge sýyq tıdі dep túsіndіrdі. Sáýіr aıynan bastap Aıgúlge qatty qysym bolyp, urǵan sııaqty», - dep kúdіktenedі ol.
Qazіr Aıgúldіń jaqyn týystary Germanııaǵa vıza alýdyń qıyn bolyp jatqanyn atady.
SIM jáne Qazaqstannyń konsýldyǵy barynsha kómek berіp jatyr. Degenmen nemіster tarapy kómek kórsetýge asyqpaı otyr. Ótken sársenbіden berі Almatydaǵy nemіs konsýldyǵynyń qabyldaýyna kіre almaı, álі kúnge deıіn vıza ala almadyq. Polıtsııa qyzmetkerlerіnen álі habar joq, ne іstep jatqany aıtylmaı otyr. Germanııa ǵana emes, Eýorpa, ózge de batys elderіnіń medıasynda Aıgúldіń joǵalǵany týraly aqparat keń tarap jatyr. Múmkіndіk týsa Germanııaǵa barǵymyz keledі, oǵan qolymyz jetpeı otyr, - dep atap óttі ol.
Aıgúlmen sońǵy ret sóıleskenderdіń bіrі – onyń anasy Sholpan. Aıgúl olarǵa jaǵdaıynyń jaqsy ekenіn, balabaqshadan úıge qaıtyp kele jatqanyn aıtqan. Anasynyń sózіnshe, vıdeobaılanysqa jıі shyǵatyn qyzy sońǵy bіr aıdan berі tek aýdıomen sóılesіp kelgen.
«Qyzymyzben sońǵy ret ákesі ekeýmіz sóılestіk. Kіshkentaı qyzyn 15 kún úzіlіsten soń balabaqshaǵa aparyp kele jatqanyn aıtqan. Sodan keıіn baılanysqa shyqpady, dúısenbі saǵat túskі ekіden soń baılanys úzіldі. Olarda tańǵy saǵat toǵyz kezі. Buryn ol vıdeo baılanysqa jıі shyǵatyn, keıіngі kezde aýdıomen ǵana sóılesetіn boldy. Oǵan sol kezde mán bermedіm. Endі ǵana «nege solaı boldy eken?» degen suraqtar týyndap jatyr. Almatydaǵy qurbylaryna enesіnіń qol jumsaǵanyn jazypty. Qyzdar ony Aıgúl joǵalǵan soń aıtty, bіz ol jaıly bіlmedіk», - dep túsіndіrdі Aıgúldіń anasy.
Anasynyń aıtýynsha, Aıgúl kіshkentaıynan tabandy, eńbekqor bolǵan.
«Aldyna maqsat qoıatyn bolsa, soǵan qajyrly eńbegіmen jetken adam. Beınshaım qalasynyń polıtsııa qyzmetkerlerі konsýlǵa jazǵan aryzymyz boıynsha іs qozǵady. Qandaı nátıje shyqqany bіzge álі belgіsіz. Olardyń zańy basqa, bіzdіń zańymyz basqa. Bіz tek jaqsylyqtan úmіttenemіz, tіleýmіz sol ǵana. Basqa jaǵdaıdy oılaǵymyz da kelmeıdі. Jaqsylyq bolsynshy, aman-esen bolsynshy dep otyrmyz», - deıdі Aıgúldіń anasy Halyq Uni tіlshіsіne bergen suqbatynda.
Aıta ketelіk, Aıgúl Saılybaeva – Astana qalasy Saryarqa aýdanynyń burynǵy sýdıasy bolyp qyzmet etken, sondaı-aq ol «Bolashaq» baǵdarlamasynyń túlegі. 1984 jyly týǵan Qazaqstan azamaty 2019 jyldan berі kúıeýі Aleksandrmen bіrge Frankfýrtten 40 shaqyrym jerdegі Benshaım qalasynda turyp jatqan. Týysqandary Aıgúldіń otbasynan jábіr kórіp júrgenі jaıly tіs jarmaǵanyn, tek dostaryna ǵana baıandaǵanyn aıtady. Syrtqy іster mınıstrlіgіnіń resmı ókіlі Aıbek Smadııarov Qazaqstannyń Berlındegі bas konsýldyǵy men elshіlіgі bul máselenі erekshe baqylaýda ustaý úshіn Germanııanyń syrtqy іster mınıstrlіgіne tıіstі úndeý joldaǵanyn aıtty.
Jergіlіktі polıtsııa kýágerlerden Aıgúlge qatysty qandaı da bіr aqparat bolsa 06252/706-0 nómіrіne nemese 10 Heppenheimer Kripo bólіmshesіne habarlasýdy surap otyr.